लोक समाचारदाता
जनकपुरधाम, फागुन ७ गते ।
प्रदेश २ का मुख्यमन्त्री लालबाबु राउतले कर्मचारीको कमी कमजोरीका कारण उपभोक्ता समितिको गत वर्षको बक्यौता रकम भुक्तानी हुन नसकेको आरोप लगाएका छन ।
बुधवार राष्ट्रिय समाचार समितिको ५९ औं वार्षिकोत्सवको अवसरमा आयोजित प्रदेशस्तरीय कार्यक्रममा बोल्दै मुख्यमन्त्री राउतले प्रदेश सभा र सरकारले सर्वसम्मति निर्णय गरिसकेको अवस्थामा पनि कर्मचारीहरुले भुक्तानी गर्न नमानिरहेको भने ।
उनले भने सरकारले चलाउने प्रमुख व्यक्ति कर्मचारी नै हो, टिप्पणी उठाउनेदेखि चेक काटने र स्वीकृति दिने कर्मचारीको जिम्मा रहेकोले तिनीहरुले सहयोग नगरेको कारण उपभोक्ता समितिहरु मारमा परेको हो । मुख्यमन्त्री राउतले हामी मुख्मयन्त्री वा मन्त्री त प्रदेशको शासन प्रशासन व्यवस्थापन र निति निर्माण र मार्गदर्शकको रुपमा मात्र हो बांकी सबै काम कर्मचारी तन्त्रले नै गर्ने हो ।
एक अर्को प्रसंगमा मुख्यमन्त्री राउतले एक त कर्मचारी आभावले सरकारले जनता अपेक्षा अनुसार काम गर्न नसकेको अवस्था छ अर्कोतर्फ भएका कर्मचारीहरु पनि प्रदेश सरकारको निर्णय बमोजिम काम नगर्ने अवस्था विद्यमान रहेकोले पाएको बजेट पनि खर्च गर्न नसक्ने अवस्था छ जसको प्रमुख दोषी संघ सरकारले हो ।
उनले प्रदेश सरकारमा सचिवदेखि खरिदार तसम्मको कर्मचारी आभाव रहेको जानकारी दिदै भन्नु भयो कर्मचारीलाई पठाउन प्रधानमन्त्री देखि सम्बन्धित मन्त्रालयमा धाउंदा धाउंदा परेशान भइसके तर हालसम्म आवश्यक कर्मचारीहरु पठाइएको छैन । भएका कर्मचारीलाई कुनै काम अहउंदा नगर्ने मानसिकता बाकेको छ ।
मुख्यमन्त्री राउतले संघीय सरकारले प्रदेशमा अवकाश प्राप्त हुने, अख्तियारमा तानिएका दाग लागेका र कामभन्दा बढी विवाद गर्ने तीन खालका सचिव संघीय सरकारले पठाउने गरेको कारण प्रदेश सरकारले चाहेर पनि काम गर्न नसकेको र बजेट फ्रिज तथा काम भएका योजनाको भुक्तानी बक्यौता रहने लगायतका समस्या आउने गरेको आरोप लगाए ।
संघीयता टिकाउने प्रमुख जिम्मेवारी हाम्रो काँधमा रहेकोले संघीय सरकारले यसमा सहयोग गर्नुको सट्टा असहयोग गर्दै आएको गुनासो समेत पोखे ।
रासस प्रदेश २ का प्रमुख हिमांशु चौधरीको अध्यक्षतामा सम्पन्न सो कार्यक्रममा प्रदेश सभा सदस्य रामआशिष यादव, मुख्यन्यायधिवक्ता दिपेन्द्र झा, वरिष्ठ पत्रकार राजेश्वर नेपाली, रामभरोस कापडि, नेपाल पत्रकार महासंघ धनुषाका अध्यक्ष अनिल मिश्र लगायतका वक्ताहरुले आ आफ्ना धारणा राख्नु भएको थियो ।
सो कार्यक्रममा राससका संचारकर्मीहरुलाई पुरस्कृत एवं सम्मानित समेत गरिएको थियो ।
यो विषयमा आफ्नो प्रतिक्रिया दिनुहोस् !