लोक समाचारदाता
जनकपुरधाम, फागुन १ गते ।
धनुषाको क्षिरेश्वरनाथ नगरपालिका ५ महेन्द्रनगरमा प्रहरी निरीक्षक सहित तीन जनाको ज्यान जानेगरी भएको बम बिस्फोटको घटनामा थप एक जना पक्राउ परेको छ ।
घटनाका मुख्य योजनाकारहरु मध्ये एक रहेको भनिएका विप्लवका एकजना कार्यकर्तालाई सप्तरीबाट पक्राउ गरिएको धनुषाका प्रहरी प्रवक्ता प्रहरी नायव उपरीक्षक रामेश्वर कार्कीले जानकारी दिनु भएको छ ।
पक्राउ पर्नेमा सप्तरीका जिल्ला ईन्चार्ज इन्दल साह धानुख रहेको जनाइएको छ । पक्राउ परेका साह सप्तरी भन्दा पहिला सिरहाका जिल्ला ईन्चार्ज रहेका थिए ।
गत मंसिर २८ गते महेन्द्रनगरमा भएको सो बम बिस्फोटमा ईलाका प्रहरी कार्यालय महेन्द्रनगरका प्रहरी निरीक्षक अमिर कुमार दाहाल, औषधी व्यवसायी ४८ वर्षीय राजेश साह र उनका १६ वर्षीय छोरा आनन्द साहको ज्यान गएको थियो । सो घटनामा यसअघि नै ५ जना पक्राउ परिसकेको छ ।
यो विषयमा आफ्नो प्रतिक्रिया दिनुहोस् !