लोक समाचारदाता
जनकपुरधाम, माघ २६ गते ।
नेपाली कांग्रेसको भातृ संगठनहरुले आफ्ना पार्टीका नेता विजयकुमार गच्छेदारलाई नियतवश रुपमा फंसाइएको भन्दै संयुक्त रुपमा सरकार विरुद्ध विरोध प्रदर्शन गरेका छन ।
आइतवार वर्तमान केपी ओली नेतृत्वको सरकारले बालुवाटारका मुख्य दोषीलाई बचाएको भन्दै नेपाल विद्यार्थी संघ, नेपाल तरुण दल र महिला संघ धनुषाले कम्युनिष्ट सरकार र अख्तियार दुरुपयोग अनुसन्धान आयोग विरुद्ध जनकपुरधाममा प्रदर्शन गरेको छ ।
प्रदर्शनकारीहरुले बालुवाटार ललिता निवास जग्गा प्रकारणमा प्रमुख दोषी पुर्व प्रधानमन्त्री माधवकुमार नेपाल, विष्णु पौडेल तथा तत्कालीन मुख्य सचिव लीलामणि पौडेललाई बचाएर विजयकुमार गच्छदारलाई मात्रै नियतवश फंसाइएको भन्दै घटनामा संलग्न सबै दोषीलाई कारवाही गर्नुपर्ने मांग गरेका छन ।
तिनीहरुले सबै दोषीहरूलाई कारबाही गर, राजनीतिक पूर्वाग्रही भएर कांग्रेसका उपसभापति गच्छदारविरुद्धको मुद्दा फिर्ता गर लगायतका नारा लगाउँदै उनीहरुले विरोध र्याली सहित प्रदर्शन गरेका हुन् ।
जनकपुरको गोपाल धर्मशालाबाट निकालिएको विरोध रयाली जनकपुरको विभिन्न भागमा परिक्रमा गरेको थियो ।
नेपाल तरुण दल धनुषाका अध्यक्ष संजय लाभ कर्णको अध्यक्षता एवं नेविसंघ, तरुण दल, महिला संघको संयुक्त आयोजनामा भएको उक्त कार्यक्रममा नेपाली कांग्रेस धनुषाका नेता, विशेश्वर यादव, कन्हैया कर्ण, धिरेन्द्र मोहन झा, नरेश यादव, शत्रुधन श्रेष्ठ, महिला संघकी तुलसा गिरी, अनिता श्रृवास्तव, नेविसंघका पूर्व केन्द्रीय सदस्य सञ्जिव यादव, हाशिम नदाफ, जगदीश चौधरी लगायतकाहरु नेता तथा व्यक्तिहरुको सहभागिता रहेको थियो ।
त्यसैगरी विरोध सो रैलीमा तरुण दल धनुषाका उपाध्यक्ष राकेश बिक्रम साह, कपलेश्वर महतो, सचीव श्याम सुन्दर साह, रुपेश ठाकुर, सुभाष झा, बिनय राय, जगदीश नायक, रामएकवाल यादव, राहुल मिश्रा, अजय गुप्ता, महेश साह, सुभाष पाठक, जितेन्द्र साह, जितेन्द्र कर्ण, बलराम गुप्ता, बलराम साह, रुपक श्रेष्ठ, सर्व्जित यादव, सुरेन्द्र साह, नेविसंघ धनुषाका नेता पुष्पेन्द्र गोइत यादव, उदित मिश्रा, सुजित यादव, राजेश कर्ण, मनिष यादव, फिरोज खान लगायतकाहरुको पनि सहभागिता रहेको थियो ।
यो विषयमा आफ्नो प्रतिक्रिया दिनुहोस् !