लोक समाचारदाता
जनकपुरधाम, माघ १८ गते ।
ब्लड क्यान्सर रोगबाट पीडित धनुषाको जनकपुर उपमहानगरपालिका वडा नंं. १ निवासी ३५ वर्षीया पिंकी कुमारी साहको परिवारले आर्थिक सहयोगका लागि आग्रह गरेको छ ।
करिब एक वर्षदेखि उपचाररत अवस्थामा रहेकी पिंकीको काठमाडौंस्थित निजामती कर्मचारी अस्पताल (सिभिल अस्पताल) मा उपचार जारी रहेको छ, र हाल उनको उपचार अन्तिम चरणमा पुगेको छ । आर्थिक अभावले गर्दा उपचारमा समस्या भइरहेको भन्दै पिडीत पिंकीका पति रोशन कुमार साहले आर्थिक सहयोगका लागि सम्बन्धित सबै वर्गसंग आग्रह गरेको छ ।
गत फागुन ३१ गते सिभिलमा भर्ना भएकी उनको उपचारमा ३५ लाख भन्दा बढी रुपैयाँ खर्च भइसकेको र अझै लाखौं रुपैया लाग्ने रोशनले बताएका छन । ब्लड क्यान्सर (एपीएमएल) पीडित उनले क्यान्सरको उपचारकै क्रममा गत वैशाख ३१ गते छोरीलाई जन्मसमेत दिएकी थिइन् ।
पिंकीको उपचारमा अझै १० लाख रुपैयाँ लाग्ने अनुमान गरिए पनि अनुमानित रकम भन्दा बढी खर्च हुने भएकाले अब कति चाहिने एकीन नरहेको भन्दै रोशनले श्रीमतीको उपचारमा आर्थिक सहयोग गरिदिन सबैमा अनुरोध गरेका छन ।
ऋण धन र केही सहयोगबाट प्राप्त रकमले उपचार गर्दै आएको जानकारी दिदै रोशनले अन्तिम चरणको उपचार रहेपनि पैसा अब सकि सकिएकोेले कहीं कतै कुनै आसरा नदेखिएपछि उपचार कहाँबाट गराउने भन्ने चिन्ता उनलाई दिनरात सताई रहेको छ ।
हाल जनकपुरमा रहेका उनीहरु उपचारका लागि पटक पटक काठमाडौं जानु परिरहेको छ । पछिल्लोपटक ऋणसमेत नपाएको भन्दै गहभरी आँशु झार्दै रोशनले आफ्ना श्रीमति पिंकीको ज्यान जोगाउन दातृ सबैंसँग लोकपुकार संँग कुरा गर्दै आग्रह गरेका छन ।
उनले सहयोग गर्न चाहनेहरुले आफ्नो मोबाइल नम्बर ९८०८५३८१७२ र ९८४१०२४३६२ सम्पर्क गर्न सक्ने बताए । साथै उनले बैंक अकाउन्ट पनि दिएका छन् ।
एनआईसी एसिया बैंक कलंकी शाखामा पिंकी कुमार साह ( Pinky kumari sah )को नाममा रहेको अकाउन्ट नम्बर १०५७०३३१४४३५२४०१ वा एनएमबी बैंक जनकपुर शाखामा रोशन कुमार साह ( Roshan Kumar shah )को नाममा रहेको अकाउन्ट नम्बर ०३०००७२०५०२०००११ मा रकम जम्मा गरिदिएर सहयोग गर्न उनले आग्रह गरेका छन् ।
यो विषयमा आफ्नो प्रतिक्रिया दिनुहोस् !