लोक समाचारदाता
जनकपुरधाम, माघ ८ गते ।
राष्ट्रिय सभा सदस्यको माघ ९ गते बिहीवार हुने निर्वाचनको पुर्व सन्ध्यामा प्रदेश २ का लागि विभिन्न दलहरुले आ आफ्नो मतदाताहरु गठबन्धनलाई हाजिरी सहितको प्रशिक्षण कार्यक्रम शुरु गरेको छ ।
प्रदेश २ मा ४ वटा सिटका लागि नेपाल कम्युनिष्ट पार्टी, राष्ट्रिय जनता पार्टी, समाजवादी पार्टी र नेपाली कांग्रेस सहितका पार्टीका ८ जना उम्मेदवारले मनोयन दर्ता गराएका छन । क्रस भोटिंग हुने सम्भावनाको दृष्टिगत गर्दै ती पार्टीहरुले हाजिरी गराई गठबन्धनकै उम्मेदवारलाई मत हाल्ने सहितका प्रशिक्षण दिन लागेका हुन ।
बिहीवारदेखि जनकपुरधाम स्थित मारवाडी सेवा समितिमा समाजवादी पार्टी, होटल सीता पैलेसमा कांग्रेस, महोत्तरीको बर्दिबास स्थित होटल विनायक र पावन मिथिला राजपा नेपाल तथा होटल सैलुनमा नेकपाले आ आफ्ना पार्टीका मतदातालाई हाजिरी र प्रशिक्षण कार्यक्रम शुरु गरेका छन ।
लोकपुकार सँग कुरा गर्दै समाजवादीका प्रदेश संसदीय दलका उपनेता रामआशिष यादवले भने गठबन्धनकै उम्मेदवारलाई मत हाल्न मतदाताहरुलाई उपस्थित गराइएको छ र तिनीहरुलाई उम्मेदवार सँग भेटघाट तथा प्रशिक्षण सहितका कार्यक्रम आयोजना गरिएको जानकारी दिए ।
उनले भने हामी गठबन्धनका उम्मेदवारलाई जिताउन समयमै मतदान केन्द्रमा उपस्थित हुनका लागि कुनैपनि मतदाता छुटोस उद्देश्यले तिनीहरुको उपस्थितिका लागि हाजिरी गराइएको हो ।
त्यसैगरी राजपा नेपालका संसदीय दलका नेता परमेश्वर साहले भने हामी गठबन्धनको उम्मेदवार प्रति प्रतिबद्ध छौ गठबन्धनका उम्मेदवारलाई जिताउन आ आफ्ना कार्यकर्ताको हाजिरी र प्रशिक्षण दिने कार्यक्रम आयोजना गरिएको भने ।
त्यस्तै कांग्रेस र नेकपाले पनि आ आफ्ना प्रदेश सभा सदस्य र पालिकाका प्रमुख उपप्रमुख सहितका मतदातालाई हाजिरी गराई प्रशिक्षण दिने कार्यक्रम आयोजना गरेको छ । तिनीहरुले एक अर्का प्रतिष्पर्धी पार्टीका मतदातालाई आफ्नो पक्षमा पार्न रणनीति समेत तयार गरिरहेको श्रोतले जनाएको छ ।
सो कार्यक्रमहरुमा ती पार्टीका केन्द्रिय शिर्ष नेताहरु सहित प्रदेशका मन्त्रीहरुको उपस्थिति रहेको छ । दलहरुले चुनावी तयारी स्वरुप थालेको प्रशिक्षण कार्यक्रममा पत्रकारहरुलाई आन्तरिक कार्यक्रमहरु भनी पत्रकाहरुलाई प्रवेश निषेध गरिएको छ ।
प्रदेशसभा सदस्य १ सय ७ जना र स्थानीय तहका नगरप्रमुख, उपप्रमुख, गाउँपालिका अध्यक्ष र उपाध्यक्ष २ सय ७२ जना गरी कूल ३ सय ७९ जना मतदाता रहेका छन् । सो निर्वाचनमा महिला समूह अन्तर्गत एक पदका लागि नेपाल कम्युनिष्ट पार्टीको तर्फबाट तुलसाकुमारी दाहाल र नेपाली काँग्रेसको तर्फबाट नगिना यादवबीच प्रतिस्पर्धा हुने भएको छ ।
त्यस्तै, दलित समूहतर्फ नेपाल कम्युनिष्ट पार्टीका राधेश्याम पासवान र समाजवादी पार्टीका रामपृत पासवान प्रतिष्पर्धामा रहेका छन् । सोही अनुरुप, अल्पसंख्यक समूह अन्तर्गत नेपाली काँगे्रसबाट भोला पञ्जियार र राजपाबाट शेखरकुमार सिंह रहेका छन् भने अन्य समूहतर्फ समाजवादीका अनिरुद्धकुमार सिंह र राजपाका मृगेन्द्रकुमार सिंह चुनावी प्रतिस्पर्धामा छन ।
यो विषयमा आफ्नो प्रतिक्रिया दिनुहोस् !