लोक समाचारदाता
जनकपुरधाम, माघ ६ गते ।
प्रत्येक वर्ष झै यसवर्ष पनि जनकपुरधाम स्थित सेन्ट्रल इन्जिनीयरिंग कलेज÷नेपाल टेक्निकल इन्स्टिच्यूटद्वारा आन्तरिक साप्ताहिक खेलकुद कार्यक्रम भइरहेको छ ।
माघ ३ गतेदेखि शुरु भएको साप्ताहिक खेलकुद अन्तर्गत माघ ६ गते सोमवारका दिन म्याराथन रेस सम्पन्न भएको छ । सो म्याराथन रेसको दुरी भ्रमरपुरा चौकदेखि शुरु भएको रेस ज्ञानकुप, पिराडी चौक, रामानन्द चौक हुँदै भ्रमरपुरा चौकसम्मको तय गरिएको छ ।
केटा समूहतर्फ डिप्लोमा सिभिल इन्जिनियरिंग तृतीय वर्ष प्रथम खण्डमा अध्ययनरत कौशल शर्मा प्रथम, बिई सिभिल इन्जिनीयरिंग प्रथम वर्ष प्रथम खण्डमा अध्ययनरत संजीव यादव दोश्रो र डिप्लोमा इलेक्ट्रीकल इन्जिनीयरिंग दोश्रो वर्ष प्रथम खण्डका कृष्ण मण्डल तेश्रो स्थान प्राप्त गरेका छन ।
त्यस्तै केटी समूहतर्फ सिभिल सभ ओभरसियरमा अध्ययनरत निमा कुमारी प्रथम, नर्सिंग कार्यक्रको प्रथम वर्षकी विशाल्बी राय दोश्रो र डिप्लोमा इलेक्ट्रिकल इन्जिनीयरिंग दोश्रो वर्ष प्रथम खण्डकी वन्दना कुमारी यादव तेश्रो स्थान प्राप्त गरी जीत हासिल गरेकी छिन ।
विजयी खेलाडीहरुलाई कलेजका संस्थापक अध्यक्ष विजयकुमार झाले शिल्ड एवं प्रमाणपत्र दिदैं बधाई ज्ञापन गरेका छन । सो खेलमा कलेजका शिक्षक शिक्षिका लगायत कर्मचारीहरुले सहयोग गरेका थिए ।
यो विषयमा आफ्नो प्रतिक्रिया दिनुहोस् !