लोक समाचारदाता
जनकपुरधाम, पुस २६ गते ।
नेपाल सरकारका अर्थमन्त्री डा. युवराज खतिवडाले जनकपुरधामको व्यवसायिक समृद्धिका लागि जटही र भिट्ठामोड भन्सार नाकामा विषादी परिक्षण प्रयोगशाला र क्वारेन्टाईन आवश्यकता देखिएकोले चाँडै स्थापना हुने बताएका छन ।
जनकपुरधाम शनिवार जनकपुर उद्योग वाणिज्य संघद्वारा आयोजित व्यापार सहजीकरण अन्तरक्रिया कार्यक्रमलाई सम्बोधन गर्दै प्रमुख अतिथि मन्त्री डा. खतिवडाले जनकपुरधाम भविष्यमा व्यवसायिक भार सक्ने कुरा दृष्टिगत गर्दै यहाँ राजश्व कार्यालयको दायरा बढाउन र भन्सार नाकाहरुमा गोदाम तथा कर्मचारी थप्ने कार्य पनि चांडै नै हुने बताए ।
व्यवसायीहरुको मांग बारे उनले भनले संघीयता कार्यान्वयनकै लागि अहिलेका कर तथा उद्योग व्यवसायसँग जोडिएका नीतिहरु आएको यो खारेज वा संशोधन हुन सक्दैन, आफूबाट सम्भव पनि नरहेको भने ।
मन्त्री खतिवडाले श्रमजीवीहरुका लागि प्यान नम्बर र योग्यतामा आधारित उनीहरुकै भविष्यको लागि ल्याइएको त्यसमा संशोधन सहित केही कुरा नहुने बताए व्यवसायीहरुले जनकपुरधामलाई विशेष आर्थिक क्षेत्रको रुपमा घोषणा गर्नुपर्ने जिज्ञासामा मन्त्री खतिवडाले भने उद्योग स्थापना गर्न कसले रोक्या छ, यहाँहरुले भने जस्तै यदि कसैले मलखाद्य वा ग्यास लगायतका कुनै उद्योग स्थापना गर्न चाहे सरकारले सक्दो सहयोग गर्नेछ ।
व्यवासयीहरुले भीसीटीएस भित्र कारोबार गर्दापनि राजश्व अनुसन्धान कार्यालय र प्रहरीले अनाहकमा दुख दिने गरेको गुनासो बारे उनले भने भीसिटीएस भित्र रहेर काम गर्दा पनि यदि कुनै निकायले ज्यादती गरिरहेको छ भने लिखित रुपमा प्रमाण सहित जानकारी गराए सम्बन्धित कर्मचारी वा प्रहरीलाई कारवाही अवश्य नै हुनेछ ।
मन्त्री डा. खतिवडाले धार्मिक पर्यटकीय क्षेत्रको रुपमा रहेको जनकपुरधाममा पर्यटकले गर्दा आर्थिक वृद्धि हुने अवस्था देखिएमा भारतीय गाडीको समयावधि त बढाउन सकिदैन तर उचित कानूनी व्यवस्था गरी समयावधि सहज बनाउन सकिने बताए ।
व्यवसायीहरुले के के मांग्यो
नेपाल उद्योग वाणिज्य महासंघ प्रदेश २ का शिवशंकर साह : भिट्ठामोड भन्सार नाकाको खोसिएको थर्ड प्वाई अफ कन्ट्री फिर्ता सहित जटहीलाई समेत व्यवस्थायुक्त घोषणा हुनुपर्ने मांग गरे । साथै उनले उद्योगी व्यवसायी मैत्रीपूर्ण कर सहितका अन्य नितीहरु ल्याउनुपर्ने मांग समेत गरे ।
जउवा संघका पुर्वअध्यक्ष निर्मल चौधरी : भीसिटीएसबाट आयातित मालसामानहरुलाई पैसा कमाउने उद्देश्यले राजश्व अनुसन्धान विभाग र प्रहरीले नियन्त्रण लिने जस्ता ज्यादती बन्द हुनुपर्ने, विषादी प्रशोधन केन्द्र जनकपुरमै स्थापना हुनुपर्ने र कृषिजन्य उपकरणमा सहुलियत कर लिनुपर्ने व्यवस्था मिलाउन मांग गरे ।
प्रकाशचन्द्र साह : जनकपुरको सडक विस्तारको क्रममा घरधनीहरु धेरै मार्कामा रहेकाले घरजग्गा करमा सहुलियतको व्यवस्था, रामायण सर्किट अनुसार भारत बिहारको सितामढीबाट जटहीसम्म रेल विस्तार र हुलाकी सडक चांडोभन्दा चांडो निर्माण हुनुपर्ने लगायतका मांग गरे ।
पुर्वाध्यक्ष रमेश साह : जनकपुरको विकास धार्मिक पर्यटकीय नाराले मात्र हुन नसक्ने भएकाले यस क्षेत्रलाई विशेष आर्थिक क्षेत्रको रुपमा घोषणा गरी उद्योग कलकारखाना स्थापना गर्नुपर्ने मांग गरे ।
पुर्वाध्यक्ष रामनरेश साह : सबै प्रक्रिया पुरा गरेर पनि भारतबाट मालसामान आयात गर्दा सशस्त्र प्रहरी, घुमुवा प्रहरी र भन्सार कार्यालयले अनाहक रुपमा सामान नियन्त्रणमा लिई पुनः मूल्यांकन गरे व्यवसायीलाई दुख दिने गरेकोले त्यस्ता कार्य अविलम्ब रोकी दोषीमाथि कारवाही गर्नुपर्ने मांग गरेका थिए ।
अध्यक्ष ललित साह : मन्त्री खतिवडालाई ज्ञापन पत्र बुझाउंदै उनले जटही भन्सार नाकामा पुर्वाधार तयार गरी १० लाख रुपैया भन्दा बढी माल आयात गर्न सकिने वातावरण छिमेकी राष्ट्र भारत सँग समन्वय गरी मिलाउनु पर्ने, कृषिजन्य उपकरण तथा मलखाद्यमा कर सहुलियत गर्नुपर्ने, भारतबाट आयात जीएसटी कटाएर कर तिरिसकेका मालसमान पक्राउ गर्ने निकायका कर्मचारीलाई कारवाही हुनुपर्ने लगायतका मांग गरेका थिए ।
कार्यक्रमको उद्घोषण जउवा संघका महासचिव जितेन्द्र महासेठले गरेका थिए भने स्वागत मनतव्य उपाध्यक्ष जितेन्द्र साह राखेका थिए । सो कार्यक्रममा भन्सार विभागका निर्देशक सुमन दाहाल समेतको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !