लोक समाचारदाता
लहान, पुस १९ गते ।
सिरहामा लागू औषध सहित पक्राउ पर्नेहरुको संख्यामा दिनदिनै वृद्धि हुंदै गएको छ । केही महिना यतादेखि प्रत्येक एक÷दुई दिनमा लागू औषध सहित पक्राउ पर्दै आएको छ ।
यसैक्रममा सिरहाको केन्द्र समेत रहेका लहानमा शनिवार लागू औषध सहित दुई युवक पक्राउ परेको छ । पक्राउ पर्नेहरुमा लहान नगरपालिका ३ का २९ वर्षीय गोपिन्दर कामैत र वडा नं. १ का २२ वर्षीय चन्दन चौधरी रहेको सिरहा प्रहरीले जनाएको छ ।
लहान ३ सिंगराहीबाट पक्राउ परेका दुबै जनासँग प्रहरीले फेनरागन १० एम्पुल, नोर्फिन ११ एम्पुल, डाईजील्याव ११ एम्पुल सहितका लागू औषध बरामद गरेको हो । पक्राउ परेका दुवैजना विरुद्ध थप अनुसन्धान भइरहेको सिरहा प्रहरीले जनाएको छ ।
यो विषयमा आफ्नो प्रतिक्रिया दिनुहोस् !