लोक समाचारदाता
जनकपुरधाम, पुस १७ गते ।
प्रदेश २ को राजधानी जनकपुरधाम भ्रमण वर्ष २०२० मा सहभागी हुन पुगेका भारत सरकारका केन्द्रीय संस्कति तथा पर्यटन राज्यमन्त्री प्रहलाद पटेलले आफ्नो प्रधानमन्त्रीले घोषणा गरेको सहयोग रकम एक अर्ब रुपैया बराबरको प्रपोजल पठाउन आग्रह गरेका छन ।
बिहीवार जनकपुरधाम पुगेका राज्यमन्त्री पटेलले राम मन्दिर र जानकी मन्दिरमा पुजापाठ पश्चात संचारकर्मीसँग कुरा गर्दै भने पछिल्लो पटकको जनकपुरधाम भ्रमणको क्रममा भारतीय प्रधानमन्त्री नरेन्द्र मोदीले यहाँको धार्मिक पर्यटकीय विकासका लागि घोषणा गरेको सहयोग रकम भारतीय एक अर्ब रुपैयाका लागि प्रपोजल सहितको लिखित प्रस्ताव पठाउन आग्रह गरे ।
नेपाल र भारतको रामायणकालीन धार्मिक र साँस्कृतिक सम्बन्ध रहेको चर्चा गर्दै राज्य मन्त्री पटेलले सो सम्बन्धलाई अझै प्रगाढ बनाउन आफ्ना प्रम मोदीले जनकपुरधाममो धार्मिक पर्यटकीय विकासका लागि एक अर्ब रुपैया सहयोग गर्ने घोषणा गरेको थियो । तर नेपालबाट हालसम्म कुनै प्रपोजल नपठाइएको कारण हालसम्म त्यो रकम थन्किएर नै राखिएको छ ।
उनले रकम त्यसै दिन सकिन्न कानूनी जटिलताहरु छन कुनैपनि योजना सो रकम बराबरको पठाइएमा हामी सो योजना अनुरुप रकम पठाइ दिनेछौ । मन्त्री पटेलले हामी त नेपाल सरकारका पर्यटन मन्त्रालयले छिटो भन्दा छिटो एक अर्ब रकम बराबरको योजना पठाउन ताकेता गर्दा हालसम्म यहाँबाट कुनै चासो नदेखाइएको गुनासो गरे ।
राम मन्दिर र जानकी मन्दिरमा पुजापाठ पश्चात उहाँलाई प्रदेश २ सरकारले एक कार्यक्रम आयोजना गरी स्वागत तथा सम्मान गरेको छ । मुख्यमन्त्री लालबाबु राउतले राज्यमन्त्री पटेललाई जानकी मन्दिरको तस्वीर र दोसल्ला ओढाएर स्वागत तथा सम्मान गरेको थियो ।
नेपाली सेनाको विशेष हेलीकप्टरबाट करीब १२ बजे जनकपुरधाम पुगेका मन्त्री पटेललाई विमान स्थलमा प्रदेश नं २ का पर्यटन मन्त्रालयका सचिब डाक्टर प्रेम नारायण कंडेल, धनुषाका प्रमुख जिल्ला अधिकारी प्रदीप कंडेल, प्रहरी उपरिक्षक रमेशकुमार बश्नेत, शसस्त्र प्रहरी बलका प्रहरी उपरीक्षक राजेश उप्रेती लगायतका व्यक्तिहरुले स्वागत गरेका थिए ।
यो विषयमा आफ्नो प्रतिक्रिया दिनुहोस् !