न्यूज डेस्क
जनकपुरधाम, पुस १६ गते ।
बुधवार १ जनवरी २०२० देखि भ्रमण वर्ष २०२० को औपचारिक शुरुवात भइसकेको छ । वर्ष २०१९ सम्म हुनुपर्ने प्रचार प्रसारको आभावले प्रदेशमा भ्रमण वर्ष खल्लो हुन गएको छ ।
प्रारम्भिक तयारी अपुग भएपनि औपचारिक सुरुवात त गरियो तर प्रदेश सरकारले खासै चासो लिएको देखिदैन । कार्यक्रम तालिका अनुसार प्रदेशका तीनवटै विमान स्थलमा मुख्यमन्त्रीदेखि मन्त्रीसम्मले हवाई मार्गबाट आन्तरिक तथा बाह्य पर्यटकलाई स्वागत गर्ने कार्यक्रम रहेको थियो ।
तर मुख्यमन्त्री लालबाबु राउतले सो कार्यक्रमलाई बेवास्ता गर्दै प्रादेशिक अस्पतालको निरिक्षणमा गए । त्यस्तै उद्योव, पर्यटन, वन तथा वातावरण मन्त्री रामनरेश रायले सिमरा विमान स्थल र राज्य मन्त्री सुरेश मण्डलले राजविराज विमानस्थलमा पर्यटकलाई स्वागत गर्ने कार्यक्रम थियो तर उनीहरुले पनि भ्रमण वर्षको कार्यक्रमलाई बेवास्ता गएनन् । यसले के देखाउंछ भने प्रदेश सरकार भ्रमण वर्ष कार्यक्रमलाई अव्हेलना गरेका हुन ।
हुनत मन्त्रीहरुले गरेको बेवास्तालाई जोगाउंदै भ्रमण वर्ष २०२० का प्रदेश संयोजक मनीष झाले जनकपुरधाममा भारतीय पर्यटन राज्यमन्त्री आउने कार्यक्रम रहेकोले उनीहरु तय गरिएको जान नसकेको प्रतिक्रिया दिएका छन । जे भएपनि भ्रमण वर्ष २०२० प्रदेश २ मा पनि मनाइदै छ यसको सफलताप्रति सबैले लाग्नु पर्ने संयोजक झाको भनाई छ ।
भ्रमण वर्षको तयारी
प्रदेश २ मा हालसम्म प्रत्येक जिल्लामा समन्वय समिति गठन गरेर कार्य प्रक्रिया अघि बढाइएको छ । तयारी स्वरुप अहिलेसम्म विभिन्न पक्षलाई समेटेर अस्थायी राजधानी जनकपुरधाम सहित ८ वटै जिल्लामा अन्तरक्रिया र छलफल कार्यक्रम सम्पन्न गरिसकिएको छ ।
प्रदेशका ८ वटै जिल्लामा एक प्रमुख केन्द्र तोकि ५/५ वटा गणतव्य स्थल आन्तरिक तथा बाह्य पर्यटकहरुको लागि तोकिएको छ । पर्यटकहरुको स्वागतका लागि प्रत्येक जिल्ला र गणतव्य स्थलमा प्रवेशद्वार बनाइएको छ भने त्यहाँ बाह्य तथा आन्तरिक पर्यटकको स्वागत प्रदेशद्वारा गठित समन्वय समितिका पदाधिकारीले गरेको छ ।
कार्यक्रम सुरुवात जिल्ला जिल्लामा फरक फरक ढंगले गरिएको छ । पर्सामा संकराचार्य गेटमा भारतीय पर्यटकहरुलाई स्वागत तथा अन्तरक्रिया, बाराको सिमरा र कलैयामा जिल्लाका पर्यटकीय स्थलको विकास तथा समृद्धि बारे अन्तरक्रिया, रौतहटको गौर र नूनथरमा अन्तरक्रिया, सर्लाहीको मलंगवामा सोनवर्षा बोर्डर हुंदै आउने पर्यटकलाई स्वागत तथा अन्तरक्रिया, महोत्तरीको बर्दिबास अन्तरक्रिया र जलेश्वरमा भिठामोड बोर्डरबाट आउने भारतीय पर्यटकलाई स्वागत, धनुषाको जनकपुरधाम स्थित जानकी मन्दिरमा २०२० दियाबाती बालेर मिठाई लगायतका परिकारको प्रदर्शनी, सिरहाको लहानमा सरसफाई तथा रयाली प्रदर्शन, सप्तरीको राजविराज र छिन्नमस्तामा अन्तरक्रिया लगायतका कार्यक्रम गरिने भएको छ ।
प्रदेशका जिल्लाहरुको गणतव्य स्थल
बारा : जिल्लाको अमलेख गञ्ज स्थित चुरियामाई स्थान, सिम्रौनगढ स्थित कंकालिनी मन्दिर र रानीबास, गढीमाईको महागढी माई मन्दिर, आधाबारको पर्सा नेशनल पार्कलाई गणतव्य स्थलको रुपमा राखिएको छ ।
पर्सा : रामभौरी भट्ठा स्थित दुग्धेश्वर महादेव मन्दिर, बिरगंजको घडिअर्वा पोखरी, संकचार्य गेट, महुवनको पारसनाथ मन्दिर र पर्सा स्थित सुर्यगंगा आरतीलाई गणतव्य स्थलको रुपमा राखिएको छ ।
रौतहट : गौर स्थित बाराहवा ताल, नजरपुरको निन्जाधाम, शिवनगरको पशुपतिनाथ मन्दिर, बागमती स्थित नूनथर, चन्द्रनिगहरपुरको शहीद पार्क रहेको छ ।
धनुषा : प्रदेशका राजधानी जनकपुरधाम स्थित जानकी मन्दिर, मिथिला आर्ट हाउस, विवाह मण्डप, जनकपुर रेलवे, गंगा सागर भ्रमणका लागि गणतव्य स्थलको राखिएको हो ।
महोत्तरी : जलेश्वर स्थित जलेश्वरनाथ मन्दिर, मठिहानीको लक्ष्मीनारायण मन्दिर, बर्दिबासको पंचधुरा माईस्थान, रौजा बजार स्थित मुस्लिमहरुको रौजा मजार, टुटेश्वर स्थित टुटेश्वरनाथ मन्दिरलाई गणतव्य स्थलको रुपमा ताकिएको हो ।
सर्लाही : जिल्लाको सलेमपुर स्थित चमेलीमाई मन्दिर, बागमतीको हरिहर्क क्षेत्र, चन्द्रनगरको नारीमन ताल, लालबन्दी स्थित राधाकृष्ण मन्दिर, सागरनाथको सागरनाथ जंगल सहितका वन क्षेत्र रहेको छ ।
सप्तरी : सखडा स्थित छिन्नमस्ता सखडा भगवती मन्दिर, भारदहको कंकालिनी मन्दिर र कोशी टापु, तिरहुत गाउँपालिका स्थित लहजरा ताल, राजविराजको राजदेवी मन्दिर सहितका क्षेत्र सप्तरीको गणतव्य स्थल तोकिएको हो ।
सिरहा : बन्दीपुर स्थित बाबा ताल, महसोठाको राजा सलहेश स्थान, लहानको पकडिया गढ, ढोढनाको राजदेवी पंचवती मन्दिर र लहान स्थित सलहेश फुलबारी स्थान लगातका स्थानलाई पनि गणतव्य स्थलको रुपमा राखिएको छ ।
यी गणतव्य स्थल मध्ये पर्यटकलाई आकर्षित गर्न स्वरुप पर्यटकीय क्षेत्र घोषणा गरी एक÷एक वटा प्रमुख केन्द्र विन्दुको रुपमा प्रत्येक जिल्लामा तोकिएको छ ।
जस्तै धनुषाको धनुषाधाम स्थित धनुष मन्दिर र वन क्षेत्र, सप्तरीमा लाई प्रमुख केन्द्र विन्दुको रुपमा राखिएको छ भने सप्तरीको छिन्नमस्ता मन्दिर, सिरहाको सलहेश फुलबारी, महोत्तरीको जलेश्वरनाथ मन्दिर, बाराको गढीमाई र सिम्रौनगढ, पर्साको पारसनाथ महादेव मन्दिर, रौतहटको नूनथर र सर्लाहीको नाधीमणि ताल प्रमुख आर्कषण केन्द्रको रुपमा राखिएको जनाइएको छ ।
यो विषयमा आफ्नो प्रतिक्रिया दिनुहोस् !