लोक समाचारदाता
जनकपुरधाम, पुस ११ गते ।
जनकपुरधाममा शंकास्पद वस्तु भेटनु क्रम बढेको छ । राष्ट्र बैंक नजिक नक्कली बम फेला परेको साता नबित्दै शुक्रवार दिउंसो जानकी मन्दिर नजिक शंकास्पद वस्तु फेला परेको छ ।
बमको हल्लाले जनकपुरधाम क्षेत्र त्रसित बन्न पुगेका छन । पुस महिना भित्रै पांच ठाउँमा शंकास्पद वस्तु फेला परिसकेको छ । जसमध्ये एउटा बम र एउटा नक्कली बम फेला परेको हो बाँकीमा अन्य सामाग्री फेला परेको हो ।
शुक्रवार दिउंसो करीब ५ बजे जानकी मन्दिर नजिकै फेला परेको शंकास्पद वस्तुले बम रहेको हल्ला सो क्षेत्र नै त्रसित बन्न गएको छ भने खबर पाएलगतै सो क्षेत्रमा व्यापक रुपमा प्रहरी परिचालन गरी सर्वसाधारणलाई आवागमनमा रोका लगाएको छ ।
जनकपुरधाम १० स्थित जानकी मन्दिर देखि देवीचोक जाने बाटोमा बिजुलिको पोल नजिकै एउटा झोलामा राखिएको शंकास्पद वस्तु भेटिएको जिल्ला प्रहरी कार्यालय धनुषाले जनाएको छ ।
अत्याधिक भीडभाड सो क्षेत्र रहेको कारण सर्वसाधारणको सुराक्षार्थ जानकी मन्दिर देखि देबीचोक जाने धनुषपथमा तत्काल आवत–जावत पूर्ण रुपेण प्रतिबन्ध गरिएको जिल्ला प्रहरी कार्यालय धनुषाका प्रहरी नायब उपरिक्षक रामेश्वर कार्कीले जनाएको छ ।
बम हुन सक्ने आशंकामा प्रहरी खटाई नेपाली सेनाको डिस्पोज टोलीलाइ जानकारी गराई सकिएको र सो टोली आएपछि डिस्पोज गरिने उहाँले बताउनु भयो ।
यसअघि धनुषाको महेन्द्रनगरमा एक प्रहरी निरिक्षक सहित ३ जनाको ज्यान गएको बम विस्फोटको घटना पश्चात पुस महिना भित्रै जनकपुरधामा शंकास्पद वस्तु पांचौ पटक शंकास्पद वस्तु भेटिसकेको छ ।
पछिल्लो पटक जनकपुरधामको रामानन्द चौक स्थित बागवानी, संकटमोचन मन्दिर जाने बाटो, मिल्स एरिया र राष्ट्र बैंक नजिक शंकास्पद वस्तु फेला परिसकेको छ । यी शंकास्पद वस्तु मध्ये संकट मोचन मन्दिर नजिक बम नै रहेको थियो भने राष्ट्र बैंक नजिक बम जस्तै नक्कली बम पाइएको थियो ।
यो विषयमा आफ्नो प्रतिक्रिया दिनुहोस् !