एजेन्सी
उलान बाटोर, पुस ११ गते ।
मंगोलियामा विषाक्त रक्सी सेवनले २६ जनाको मृत्यु भएको छ ।
देशको राजधानी उलान बाटोरमा पछिल्लो एक महिनामा मृत्यु हुनेको संख्या २६ रहेको अधिकारीहरुले शुक्रबार जानकारी दिएको समाचार एजेन्सीले जनाएको छ ।
‘यो डिसेम्बर महिनामा मात्रै रक्सी सेवनका कारण मृत्यु हुनेको संख्या नाटकीय रुपले बढेको छ, उनीहरु मध्ये अधिकांशको नयाँ वर्षका अवसरमा आयोजित कार्यक्रममा सहभागी भएर रक्सी सेवन गर्दा मृत्यु भएको हो,’ प्रान्तीय सहरी प्रहरी विभागका प्रमुख लखामा अमुर्मुरुमले भने ।
राजधानी उलान बाटोरमा अहिले उच्च सतर्कता अपनाइको उनले पत्रकार सम्मेलनमा जानकारी दिए । मङ्गोलियामा नयाँ बर्षको पूर्वसन्ध्यामा निजी तथा सार्वजनिक तवरबाट खानपिनसहितका विभिन्न कार्यक्रमहरुको आयोजना गर्ने गरिएको हुन्छ ।
यो विषयमा आफ्नो प्रतिक्रिया दिनुहोस् !