एजेन्सी
काजकस्तान, पुस ११ गते ।
काजकस्तानमा भएको विमान दुर्घटनामा मृत्यु हुनेहरुको संख्या १४ पुगेको छ ।
राजधानी नुरुसुल्तानका लागि चालक दल सहित सय जना यात्रु लिएर उडेका विमान अलमाटी शहर नजिकै बेक एयर दुर्घटना हुँदा कम्तिमा १४ को मृत्यु भएको र ३५ जनालाई जीवितै उद्दार गरिएको अन्तर्रा्ष्ट्रिय समाचार एजेन्सी एपीले जनाएको छ ।
एजेन्सीका अनुसार बेक एयरको जहाज अलमाटि अन्तर्रा्ष्ट्रिय विमानस्थलबाट उड्नासाथ कंक्रिट पर्खाल र एउटा दुईतले घरमा ठोकिँदा दूर्घटना भएको हो । दुर्घटनाले विमानमा आगो नलागेपनि टुटफुट भई पुर्णरुपमा क्षतिग्रस्त भएको छ ।
सो जहाज मध्यमसाइजको फोकर–१०० ट्वीन टर्बोफ्यान जेट एयरलाइनर भएको जनाइएको छ । यो जहाज बनाउने कम्पनी सन् १९९६ मैं टाट पल्टेर फोकर–१०० उत्पादन रोकेको थियो ।
यो विषयमा आफ्नो प्रतिक्रिया दिनुहोस् !