लोक समाचारदाता
लहान, पुस ११ गते ।
सिरहा जिल्लाको सिरहा नगरपालिकाको पटेर्वामा लागू औषध सहित २ जनालाई पक्राउ गरेको छ ।
जिल्लाको ईलाका प्रहरी कार्यालय माडरबाट खटिएको गस्ती टोलीले चेकजाँचको क्रममा भारतबाट नेपालतर्फ ल्याउंदै गरेको लागू औषध सहित तिनीहरुलाई पक्राउ गरिएको सिरहा प्रहरीले जनाएको छ ।
चेकजाँचको क्रममा स.५ प. ५०७५ बाट जिल्लाको नरहा गाउँपालिका ४ का २६ वर्षिय मोहम्मद एमामुदिन र सिरहा नपा ४ का मोहम्मद रहिमलाई पक्राउ गरिएको हो । पक्राउ परेका एमामुदिनको साथबाट नाईट्रोभेट ७ सय २० ट्याबलेट र रहिमको साथबाट नाईट्रोभेट ४५ ट्याबलेट गरी जम्मा ७ सय ६५ ट्याबलेट प्रहरीले बरामद गरेको छ ।
बरामद गरिएका लागू औषध र मोटरसाइकल समेत नियन्त्रणमा लिई तिनीहरु विरुद्ध थप अनुसन्धान प्रक्रिया अघि सारिएको जिप्रका सिरहाले जनाएको छ ।
यो विषयमा आफ्नो प्रतिक्रिया दिनुहोस् !