लोक समाचारदाता
जनकपुरधाम, पुस ३ गते ।
गत दुई दिनअघि आफ्नै प्रेमिका प्रहरी जवानको बन्दुक लिएर फरार भएका शिवेन्द्र यादव पक्राउ परेका छन् ।
मंगलवार बिहान उच्च अदालत जनकपुरधामका न्यायाधीश सकुन्तला घिमिरेकी सुरक्षा गार्डमा रहेकी प्रहरी जवान रनिता कुमारी केवटको हतियार लिएर भागेका प्रेमी नवलपरासी रामग्राम नगरपालिका वडा नं. ८ का यादवलाई धनुषा प्रहरीले विहिवार जनकपुरधामबाटै पक्राउ गरेका हुन ।
धनुषाका प्रहरी नायव उपरीक्षक रामेश्वर कार्कीका अनुसार यादवको मोबाइल ट्र्ैश गरेर जनकपुरधाम उपमहानगरपालिका वडा नं. १४ रामपुरबाट बन्दुक सहित प्रहरीले पक्राउ गरेको हो ।
आफ्ना आफन्तको घरमा लुकेर बसेको यादवको मोवाई ट्रेस गर्दा त्यसको लोकेशन रामपुरमा देखाएपछि पक्राउ गर्न पुगेका प्रहरी टोलीले प्रहरीलाई हेरेपछि फरार हुन लागदा हतियार सहित उनलाई पक्राउ गरिएको हो ।
उच्च अदालत जनकपुुरका न्यायधीशकी पिएसओ केवटसँग यादवको झगडा भएपछि मंगलवार बिहानै हतियार लिएर भागेका थिए । केवट जनकपुरधाम ४ भैरव चौकस्थित एक घर भाडा लिई आफ्ना प्रेमीसँग बस्दै आएको थियो ।
हतियार प्रेमीले भागेपछि केवटले मंगलवार बिहानै जिप्रका धनुषाको जिन्सी तथा बन्दोबस्ती शाखामा जानकारी गराएका थिए । जानकारी भए लगतै अनुसन्धानका लागि जिप्रका धनुषाले केवटलाई नियन्त्रणमा लिई अनुसन्धान थालेको थियो । खबर बाहिर फैलिएपछि जिप्रकाले घटना लुकाउने उद्देश्यले केही जानकारी गराउन चाहेनन तर यादव पक्राउ परेपछि प्रेस विज्ञप्ति जारी गरेका छन् ।
हाल प्रेमी प्रेमिका दुवै अनुसन्धानको क्रममा जिप्रकाको नियन्त्रणमा रहेका छन् ।
यो विषयमा आफ्नो प्रतिक्रिया दिनुहोस् !