लोक समाचारदाता
जनकपुरधाम, मंसिर २४ गते ।
नेपाल अपांग संघ खगेन्द्र नवजीवन केन्द्र को अध्यक्ष पदमा धनजुजु श्रेष्ठ निर्वाचित भएका छन ।
जनकपुरधाममा आयोजित ३२ औं केन्द्रिय सभाबाट श्रेष्ठ प्रत्यासी साम्देन लामा ले पाएको ३५ मत को दुईगुणा बढी ७० मत ल्याएर निर्वाचित भएका छन । उनी झापा शाखाका प्रतिनिधी भएर निर्वाचन लडनु भएको थियो । पराजित माम्देन लामा काठमाण्डौ बाट हुनुहुन्छ ।
नेपाल अपांग संघ धनुषा शाखा कार्यालयको हातामा आयोजित निर्वाचनमा आरक्षण तर्फको ८ सदस्य पदकालागि १२ जनाले उम्मेदवारी दिनुभयो । त्यस्मा धर्मराज ओझा,नाम्लेंग शेर्पा, पदम अधिकारी, इन्द्र कुमार झा,शिवचन्द्र साह,भावुक जंग थापा,चिन्तामणी पौडेल र सुष्मा बि.क. निर्वाचित भएका छन ।
खुल्ला तर्फको ७ सदस्य पदका लागि १३ जनाले उम्मेदवारी दिनुभयो । त्यसमा निर्वाचितहुनेहरुमा प्रभाकर भट्टराई,चन्द्र प्रसाद तिमिल्सिना,शर्मिला अधिकारी,भरत तिमिल्सिना,नन्दकिशोर महासेठ,कुशश्री न्यौपाने र बलराम सुवेदी रहेका छन । सो निर्वाचनमा कुल खसेको ११७ मत मध्ये अध्यक्ष पदमा १२, आरिक्षित सदस्य तर्फ ६ र खुल्ला सदस्य तर्फ ९ वटा मत बदर भएको निर्वाचन अधिकृत अधिवक्ता अच्युत अर्याल ले जानकारी गराउनु भयो ।
विजयी अध्यक्ष र सदस्यहरुलाई निर्वाचन अधिकृत अर्यालले परिणम घोषणा लगतै प्रमाण पत्र प्रदान गर्नुभयो । नेपाल अपांग संघ खगेन्द्र नवजीवन केन्द्र कार्यालय समेत ७ वटा शाखा रहेको छ । त्यसमा केन्द्रिय प्रतिनिधी कुल १२८ रहेकोमा ११७ मत खसेको थियो ।
नेपाल अपांग संघ धनुषा शाखाको आतिथ्यमा आरम्भ भएको उद्घाटन सत्रको प्रमुख अतिथि जनकपुरधाम उपमहानगर पालिकाका मेयर लालकिशोर साहले अपांगको समग्र विकासका लागि सपांग सहायक हातहरुको निरंतर आवश्यकता रहेको बताउँदै हामी एक जुट भएर सहयोग गरौ भन्नु भयो।
सो कार्यक्रममा नेपाल अपांग संघ धनुषा शाखाका अध्यक्ष शिवचन्द्र साह ले स्वागत मन्तव्य राख्नु भयो । उहाँले नेपाल अपांग संघ खगेन्द्र नवजीवन केन्द्र लाई समाप्त पार्नें षडयन्त्र गोकर्णेश्वर नगरपालिकाद्वारा भएको आरोप लगाउनु भयो ।
कार्यक्रममा महासचिव यज्ञ प्रसाद उप्रेति ले अहिल्ये संस्थालाई जोगाउनको लागि एक जुट हुनु आवश्यकता रहेको भनि विचार राख्नुभयो । केन्द्रिय अध्यक्ष मोहन महर्जनको अध्यक्षतामा आयोजित उद्घाटन सत्र सम्पन्न भएको थियो ।
यो विषयमा आफ्नो प्रतिक्रिया दिनुहोस् !