लोक समाचारदाता
जनकपुरधाम, मंसिर २३ गते ।
जनकपुरधाममा सम्पन्न दक्षिण एशियाली खेलकुल (साग) अन्तर्गत कुस्ती प्रतियोगिता अन्तर्गत विभिन्न २० वटा तौल समूहमा भारतले भाग लिएको १४ वटा समूहमा सबैमा गोल्ड पदक ल्याउन सफल भएको छ ।
भारतलाई पन्छयांदै पाकिस्तान ३, श्रीलंका २ र नेपालले एक गोल्ड पदक जित्न सफल भयो भने बंग्लादेशको निराशाजनक हात लागेको छ ।
अन्तिम दिन सोमवार महिला तर्फ ६८ र ७४ केजी तौलको समुहमा भारतकै अनिता र गौरव बालियानले स्वर्ण पदक लियो । ६८ केजीमा रजत श्रीलंककी माला कास्य बंग्लादेशकी रोइतिथी हासिल गरिन ।
त्यस्तै पुरुष तर्फ ७४ केजी तौल समुहमा श्रीलंकाका लकमलले रजत र बंग्लादेशका सेपोन शेखले कास्य पदक जितेका छन् ।
कसले कति पदक जिते
जनकपुरधाममा चार दिनसम्म भएको कुस्ती प्रतियोगिताको विभिन्न २० वटा तौल समूहमा भएको खेलमा भारत सहभागी १४ समूह मध्ये सबैमा स्वर्ण पदक हासिल गर्न सफल भएको हो ।
पाकिस्तानले ३ स्वर्ण सहित ५ वटा रजत पदक हासिल गरेको छ भने श्रीलंकाले २ स्वर्ण, ९ रजत सहित २ वटा कास्य पदक जित्न सफल भएको छ ।
त्यसैगरी नेपालले आफ्नो उच्चकृतष्ट प्रदर्शन गर्दै १ स्वर्ण, ४ रजत र ८ वटा कास्य पदक हासिल गर्न सफल भएको छ भने बंग्लादेशले २ वटा रजत र ७ वटा कास्य पदक जितेको छ ।
यो विषयमा आफ्नो प्रतिक्रिया दिनुहोस् !