लोक समाचारदाता
जनकपुरधाम, कात्तिक १० गते ।
स्थानीय तहमा कर्मचारीको आभाव रहेको भन्दै पटक पटक आवाज उठन थालेपछि संघीय सरकारले अब प्रदेश सरकारबाटै कर्मचारी परिपूर्ति गराउने भएको छ ।
पछिल्लो समयमा संघीय लोक सेवा आयोगले कर्मचारी परिपुर्तिका विज्ञापन गरेपछि प्रदेश २ ले विरोध जनाएपछि संघीय मामिला तथा सामान्य प्रशासन मन्त्रालयले स्थानीय तहका लागि प्रदेश लोक सेवा आयोगबाटै कर्मचारी परिपूर्तिको व्यवस्था मिलाउन लागेको हो ।
संघीय मामिला तथा सामान्य प्रशासन मन्त्रालयका अनुसार केही दिनमै स्थानीय तहका लागि आवश्यक करिब १३ हजार कर्मचारीको भर्ना विज्ञापन अब सम्बन्धित प्रदेश लोक सेवा आयोगबाटै नै हुनेछ ।
प्रदेश लोक सेवा आयोग बन्ने क्रम जारी रहेपनि गठन गरिसकेका प्रदेशले आफ्नो प्रदेशका स्थानीय तहका लागि गर्ने भएको छ । संघीय सरकारका लागि गत जेठ १५ गते स्थानीय तहका लागि गरेको नौ हजार ५ सय ६१ विज्ञापित पद नै अन्तिम हो ।
संवैधानिक व्यवस्था अनुसार स्थानीय तहको आग्रहमा सामान्य प्रशासन मन्त्रालयले विज्ञापनका लागि लोकसेवा पठाएकोमा विवाद उत्पन्न भएपछि मन्त्रालयले अब थप आवश्यक कर्मचारी प्रदेशले नै गर्ने मन्त्रालयले जनाएको छ ।
संविधान र स्थानीय सरकार सञ्चालन ऐनले स्थानीय तहका लागि आवश्यक कर्मचारी प्रदेश लोक सेवा आयोगले पूर्ति गर्ने उल्लेख छ ।
मन्त्रालयका अनुसार अहिले पनि मन्त्रालयमा ५५ वटा स्थानीय तहले करिब तीन सय वटा पदका लागि विज्ञापन गरी कर्मचारी पूर्ति गर्न निवेदन पठाए पनि प्रदेश लोक सेवा आयोगबाट नै गर्ने भन्दै रोकेर राखेको छ ।
यो विषयमा आफ्नो प्रतिक्रिया दिनुहोस् !