लोक समाचारदाता
जनकपुरधाम, कात्तिक ९ गते ।
गत ५ गते लोकपुकारमा ‘प्रदेश र स्थानीय प्रमुखज्यू कमीशनका लागि साइकल होइन सेनेटरी प्याड वितरण गरौ’ शिर्षकको समाचार प्रकाशन भएको भोली पल्टै जनकपुरधाम उपमहानगरपालिकाले सेनेटरी प्याड गर्न थालेको छ ।
प्रदेश २ सरकार र स्थानीय तहले सस्तो लोकप्रियता र कमीशनका लागि साइकल वितरण गर्दै आएकोमा देखिन थालेपछि सामुदायिक विद्यालयमा छात्राहरुले सेनेटरी प्याडको आभावमा भोग्दै आएको समस्या समाधानका लागि लोकपुकारले समाचार प्रकाशन गरेको थियो ।
समाचार प्रकाशन अघिसम्म नेपाल सरकारले सामुदायिक विद्यालयमा स्थानीय तहबाट निशुल्क सेनेटरी वितरण गर्ने निर्देशन पाल्ना हुन सकेको थियो, जनकपुरधाम उपमहानगरपालिकाले समेत साइकल वितरण गर्दै आएको तर सो समाचारप्रति प्रभावित भई उपमहानगरपालिका त्यसको भोलीदेखि जनकपुरधाम ४ स्थित संकट मोचन देवशरण रामरती उच्च माविबाट साइकल वितरण संगै सेनेटरी प्याड वितरण कार्य शुरु गरेको छ ।
जनकपुरधाम उपमहानगरपालिकाले पिडीत छात्राहरुको समस्याका लागि बढाएको कदमलाई सिको गर्दै अन्य प्रदेशका अन्य स्थानीय तहले पनि संघीय सरकारको निर्देशन पालना गर्न जरुरी देखिन्छ ।
राष्ट्रिय तथ्यांक अनुसार करीब २१ प्रतिशत बालिका महिनाबारीकै विद्यालय जानबाट वंचित रहेका छन् । प्रदेशका ग्रामीण भेगमा त यो समस्या झन व्याप्त छन् । एक सर्वेका अनुसार प्रदेश २ मा मात्रै ३० प्रतिशतभन्दा बढी बालिका महिनाबारीमा हुने पेट दुख्ने, महिनाबारी हुंदा रगतले शरीर गन्हाउने, कपडा खराब हुने लगायतका समस्याले हरेक महिना एक हप्तासम्म विद्यालयमा अनुपस्थित रहने गरेकी छिन ।
प्रदेश सरकारले कक्षाका छात्राका लागि साइकल वितरण गर्दै आएका छन् । त्यसको सिको गर्दै प्रदेशका जनकपुरधाम उपमहानगरपालिका सहितका स्थानीय तहहरुले पनि सोही विद्यालयका कक्षा ९ देखि १२ सम्मका छात्राहरुलाई साइकल वितरण कार्यक्रमलाई अघि सारेका छन । तर सिनेटरी प्याड वितरणमा कसैले ध्यान नपुरएको कारण साइकलमा हजारौ हजार कमीशन हुने तर ५० रुपैया पर्ने प्याकेटमा न्यून हुन सक्ने रहेको छ ।
यो विषयमा आफ्नो प्रतिक्रिया दिनुहोस् !