भ्रष्टाचार लुकाउन कहिलेपनि सार्वजनिक गरिएन बजेट र खर्च हिसाब
लोक समाचारदाता
जनकपुरधाम, कात्तिक ४ गते ।
प्रदेश २ का राजधानी एवं धार्मिक पर्यटकीय रुपमा परिचित जनकपुरधाम उपमहानरपालिकाका मेयर लालकिशोर साह कुनै न कुनै विषयमा पदस्थापनदेखि चर्चामै नै रहेका छन् ।
कहिले नगर बजेटको विभिन्न शिर्षकको भ्रष्टाचार आरोपमा, त कहिले रावण बध गरेर, त कहिले वार्षिक क्यालेण्डरमा आफ्नो तस्वीर छपाएर । तर मेयर साह अहिले सरसफाईको नाममा झाडू लिएर पोखरीको डिल तथा सडकमा जताततै खिचाइको फोटोले चर्चामा छन् ।
यी सबैका प्रमुख कारण हो समाजिक सञ्जाल फेसबुक । सस्तो लोकप्रियता कमाउन अहिले उनी काम भन्दा बढी सेल्फिस्ट भई सानातिना भाषण र कामको फोटो फेसबुकमा राखेर चर्चामा छन् ।
मेयर साह चुनाव जितेर स्थानीय प्रमुख भएको करीब अढाई वर्ष बित्न लाग्दा पनि आजसम्म फेसबुक पेज र निजी वालमा विभिन्न कार्यक्रममा गरेको भाषण र सस्तो लोकप्रियता हुने खालका फोटो बाहेक नगरमा विकास गरिएको काम र त्यसको प्रतिफल, विनियोजन गरिएको बजेट वा खर्च गरिएको लागत सहितको काम विवरणको तथ्यांक पारदर्शी गर्न हालेको छैन ।
भ्रष्टाचार लुकाउन तथ्यांक सार्वजनिक गरिदैन
वर्षेणी नगर सफाईमा करोडौ रुपैया उपमहागरपालिकाले खर्चदै आएको छ तर सो रकमबाट के कतिको सडक तथा पोखरीको डिल सफाई गरिएको र त्यसको संरक्षण भइरहेको बारे तथ्यांक कहिलेपनि आफ्नो फेसबुक पेज वा लगूवा पछुवाको फेसबूक मार्फत सार्वजनिक गरेको छैन । त्यसको प्रमुख कारण हो भ्रष्टाचार लुकाउनु ।
मेयर साहले झाडू लिई फोटो खिचाएको फोटो फेसबूकमा राख्ने वाहेक नगर कतिको फोहर छ, कहाँ सडक आवश्यक छ भन्ने बारे अनुगमन वा सोधखोज गरी त्यसलाई कार्यान्वयनमा ल्याइएको देखिदैन, यदि त्यस्तो भएको भए नगर फोहर नगरको रुपमा परिचित हुने थिएन र शायद उनलाई झाडू लिएको फोटो फेसबूकमा राख्ने आवश्यकता नै पर्छ ।
बजेट र खर्च हिसाबको तथ्यांक समाजिक संजालमा सार्वजनिक गर्न त कुरै छाडौ, नगरपरिषद र नगरसभा बारे आम नागरिकलाई के भन्ने संचारकर्मीलाई जानकारी दिइदैन । बन्द कोठामा पक्ष र प्रतिपक्ष समेतलाई प्रभाव र गुमराहमा पारी सफल पार्दै आएको कुरा पछिल्लो पटकले देखा पारेको छ ।
जउनपा छेउकै पोखरी दुर्गन्धित
मिथिलाको भोजन, संस्कृति, पहिरन बुझ्ने मौका पाउँदा धार्मिक नगरी जनकपुर टेक्दा प्रसन्न मनले आउने पर्यटकलाई फोहर र दुर्गन्धले मन खिन्न बनाउँछ । यहाँका तलाउ, पोखरी, सरोवर, सडक, मठ मन्दिर, खाना नास्ता खाने होटल, चौतारा फोहरले ढाकिएको छ । अधिकांश पोखरी त अतिक्रमणमा नै परेको छ तर बांकी रहेका पोखरीको पानी पनि फोहरले कालो भइसकेको जसको प्रत्यक्ष प्रमाण उपमहानगरपालिकाको कार्यालय छेउमा रहेको छ । जहाँ चारैतिर भएका घरहरुले शौचालयको मल त्यसमा बगाइरहेको छ ।
स्थानीय निकायको चुनावमा साहको पहिलो नारामा नै थियो स्वच्छ जनकपुरधाम तर अहिले उनी नगरभन्दा आफूलाई जिटजाटको लोकप्रिय बनाउन स्वच्छतामा जुटेका छन् । निर्वा्िचत भएपछि मेयर साहले ग्रेटर जनकपुरको अवधारणा लागू गर्ने बताएका थिए । तर हालसम्म ग्रेटर शब्द के हो नगरवासीले महसूस गर्न सकेको छैन । नगर त ग्रेटर भएन तर उनी समाजिक सञ्जाल मार्फत ग्रेटर बन्दैछन ।
बेवास्ताले हरायो ल्याण्डफिल्ड
जनकपुरका लागि अहिले प्रमुख समस्या भएको छ फोहर व्यवस्थापन को, यसप्रति मेयर साहले कहिलेपनि ध्यान पुरयाएको छैन तर फोटो खिचाउन झाडू लिएर सडकमा दिपावली र छठ पर्वका अवसरमा डूलडाल गर्न थालेका छन् । फोहर व्यवस्थापनका लागि जताततै नगर व्यवस्थापक भौतारिदै छन तर ल्याण्डफिल्ड साइटको योजनालाई कहिलेपनि आफ्नो स्तरबाट अघि बढाएको छ । एडीबीको ऋण सहयोगमा संचालित सो योजनामा परेका ल्याण्ड फिल्डको करोडौ रुपैया मेयर साहको बेवास्ताले फिर्ता भई खेर गएको छ ।
ऐन कानूनको अध्ययन नै छैन मेयरलाई
नगर स्थित जनकपुर अंचल अस्पतालले बारह विघा मैदान र जानकी हेल्थ केयर एण्ड रिसर्च सेन्टरले अस्पतालजन्य फोहर छेउमै रहेको पोखरीमा फाल्दै आएका छन । अन्य अस्पतालले पनि जताततै फोहर थुपाद्रै आएको छ तर मेयर साहले आफ्नो ध्यान नपुरयाई झाडू सेल्फिस्टलाई ग्राहयतामा दिएका छन् ।
फोहर व्यवस्थापनसम्बन्धी ऐन २०६८ र नियमावली २०६९ मा स्वास्थ्य सस्थाले आफैँ फोहरको उचित व्यवस्थापन गर्नुपर्ने उल्लेख छ । फोहोरमैला व्यवस्थापन ऐन ०६८ को परिच्छेद् ९ को दफा ३९ बमोजिम अस्पतालजन्य फोहोरको व्यवस्थापनमा हेलचेक्र्याइँ गर्नेलाई स्थानीय निकायले जरिवाना सहितको सजाय गर्न सक्नेछ । तर मेयर साहले कानून अध्ययन नभएको देखिन्छ । यदि त्यस्तो भएको भएर कारवाही प्रक्रिया अघि बढाउन सक्थ्यो ।
यो विषयमा आफ्नो प्रतिक्रिया दिनुहोस् !