प्रम मोदीको भतिजी दिल्लीमा भईन चोरीको शिकार

एजेन्सी
नयाँदिल्ली, असोज २६ गते ।
भारतका प्रधानमन्त्री नरेन्द्र मोदीकी भतीजी दमयन्ती मोदी दिल्लीमा चोरीको शिकार भएकी छिन् । राजधानी दिल्ली स्थित सिविल लाइन्स क्षेत्रमा एक स्कुटरमा आएका चोरले ५६ हजार भारतीय रुपैया, प्यान कार्ड र पहिचान पत्र सहितको उनको पर्स खोसेर फरार भएको समाचार एजेन्सीले जनाएको छ ।

दमयन्ती भारतका प्रधानमन्त्री नरेन्दै मोदीका भाई प्रहलाद मोदीकी छोरी हुन् । यो भन्दा पहिले पनि दमयन्तीका पिता र नरेन्द्र मोदीका भाई प्रहलाद मोदीको पनि दिल्लीमा चोरी भएको खबर सामुन्य आएको थियो ।
दमयन्ती आफ्ना श्रीमान र दुई छोरीका साथ सुरतमा बस्दै आएकी छिन् । घटनाको समयमा दयमन्ती आफ्नो पति र छोरीका साथ अमृतसरबाट दिल्ली फर्किएकी थिइन् र शविवार बेलुका साँझ चार बजे गुजरात जाने बेलामा घटना भएको हो ।
उनले आरामको लागि सिविल लाइन्स इलाकाको गुजराती समाज भवनमा बुक गरेको कोठामा सामान झारी रहेको बेला स्कूटीमा आएका दुई अज्ञात व्यक्तिले उनको पर्स खोसेर भागेका भारतीय प्रहरीले संचार माध्यमलाई जनाएको छ ।