लोक समाचारदाता
काठमाडौ, असोज २६ गते ।
हाल केही दिनदेखि देशमा सभामुखदेखि कर्मचारीसम्म परस्त्री गमन आरोपमा पक्राउ पर्न थालेका छन् ।
केही दिनअघि आफ्नै संसदीय सचिवालयका एक कर्मचारी सँग जबरदस्ती अवैध सम्बन्ध कायम गरेको आरोपमा निलम्बन भइ पक्राउ परेका सभामुख कृष्ण बहादुर महराको घटना सेलाउन नपाउंदै बेलैरी स्थित मालपोत कार्यालयका प्रमुख परस्त्री गमन आरोपमा पक्राउ परेका छन् ।
फोटो : सांकेतिक
यस्ता घटनाहरु हरेक दिनजसो बजारमा आइरहेका हुन्छन् तर कतिपय घटना लुकाउने कार्य समेत हुंदै आएको छ । यसैक्रममा मालपोत कार्यालयका प्रमुख भोजबहादुर ऐडी परस्त्रीसँग आपत्तिजनक अवस्थामा पक्राउ परेको समाचार बाहिरिएको छ ।
सर्वसाधारणको सूचनाको आधारमा प्रहरीले प्रमुख ऐडीलाई एक ३४ वर्षीया महिलासँग आपत्तिजनक अवस्थामा फेला पारेको हो । मालपोत प्रमुख ऐडीसहित उनलाई घरमा बोलाउने महिला पनि पक्राउ परेकी छन् ।
ईलाका प्रहरी कार्यालय प्रमुख प्रहरी निरीक्षक रण बहादुर चन्दले महिलाका परिवारले दिएको उजुरीका आधारमा कार्यालय प्रमुख ऐडी र महिलालाई आपत्तिजनक अवस्थामा पक्राउ गरिएको बताएका छन् ।
प्रमुख ऐडी र महिला गएको बुधबार राति आपत्तिजनक अवस्थामा पक्राउ परेका थिए । दुवै जनालाई हिरासतमा राखेर अनुसन्धान भइरहेको प्रहरीले जनाएको छ । डडेल्धुरा स्थायी घर भएका मालपोत कार्यालय प्रमुख दशैँ विदामा घर नगई बेलौरीमै मौजमस्तीमा रमेका थिए ।
यो विषयमा आफ्नो प्रतिक्रिया दिनुहोस् !