लोक समाचारदाता
उदयपुर, असोज २५ गते ।
धारिलो हतियार प्रयोग गरी उदयरपुर जिल्लाको त्रियुगा नागरपालिका ९ चौकीबारीमा एकै परिवारका आमा छोरीको विभत्स हत्या गरिएको छ ।
जिल्ला प्रहरी कार्यालयका अनुसार शुक्रवार राति चौकीबारीका स्थानीय ३२ वर्षीया शारदा चौधरी र उनीकी ९ वर्षकी छोरी रचना चौधरीको धारिलो हतियार प्रयोग गरेर हत्या भएको हो ।
शनिबार बिहानमात्रै चौधरीका छिमेकीले प्रहरीलाई खबर गरेपछि जिल्ला प्रहरी कार्यालयको टोली घटनास्थल पुगेको थियो । शवलाई पोष्टमार्टमका लागि अस्पताल पठाइएको छ भने घटनाको अनुसन्धान जारी रहेको जिल्ला प्रहरी कार्यालय प्रमुख वीरबहादुर बुढामगरले जानकारी दिएका छन् ।
मृतकको श्रीमान वैदेशिक रोजगारीका क्रममा विदेशमा रहेको र हत्या गर्ने व्यक्ति अझै पत्ता नलागेकाले सुनसरीबाट तालीमप्राप्त कुकुर झिकाएर अनुसन्धान थालिएको प्रहरीले जनाएको छ ।
यो विषयमा आफ्नो प्रतिक्रिया दिनुहोस् !