सन्तोष कर्ण
जनकपुरधाम, असोज २५ गते ।
प्रदेश २ सरकारका भौतिक पुर्वाधार विकास मन्त्री जितेन्द्र सोनलले विकासको होडमा संस्कार र सभ्यता नबिर्सन आग्रह गरेका छन् ।
शनिवार जनकपुरधाम उपमहानगरपालिका २३ बेलामा महावीर झण्डा मेलाको उद्घाटन समारोहलाई सम्बोधन गर्दै मन्त्री सोनलले विकासको काम गर्दा संस्कार र सभ्यतालाई संगसंगै अघि बढाएको खण्डमा सर्वांगिण विकास हुने बताए ।
उनले भने विकसित आधुनिकीकरण र पूरातन वस्तु, सभ्यता, संस्कृती आ संस्कारको जर्गेणा स्वरुप सन्तुलित विकासले महावीर झण्डा लगायतका विभिन्न पर्व त्योहार र उत्सवको विकास समेत हुने भने ।
साथै उनले राजनीतिमा धर्मलाई समेत समावेश गर्न जरुरी रहेको छ तर धर्ममा राजनीतिमा गरियो भने धार्मिक आस्थाको विश्वासमा ठेस पुग्ने धारणा समेत राखे ।
मेला समिति बेलाका अध्यक्ष उमाशंकर साहको अध्यक्षतामा आयोजित श्री महावीर झण्डा मेला उदघाटन तथा सम्मान समारोह कार्यक्रममा प्रमुख अतिथी मन्त्री सोनल सहित प्रदेश सभा सदस्य परमेश्वर साह, जैनुल राईन, बरिष्ठ पत्रकार रजेश्वर नेपाली राजपाका केन्द्रीय सदस्य मनोज चौधरी लगायतका व्यक्तिहरुले पनि आ आफ्ना धारणा राखेका थिए ।
स्थानिय वृजमोहन राउतको सहयोगमा निर्मित महावीर झण्डाको मन्त्री सोनलले स्वयम् काँध लगा खडा गरेर उदघाटन गरेका छन् भने आयोजक समितिले प्रमुख, विशिष्ट अतिथि सहित संचारकर्मीहरुलाई सम्मान गरिएको थियो ।
यो विषयमा आफ्नो प्रतिक्रिया दिनुहोस् !