लोक समाचारदाता
जलेश्वर, असोज २५ गते ।
महोत्तरी जिल्लाको सोमना गाउँपालिकामा संघीय सरकारका स्वास्थ्य तथा जनसंख्या राज्यमन्त्री सुरेन्द्र यादवको आयोजित चियापान कार्यक्रममा सिलिण्डर ग्यास विस्फोट हुँदा चारजना घाइते भएको छ ।
फोटो : सौजन्य
सोनमा गाउपालिका ८ स्थित सिंहाशनीमा शुक्रबार भएको सो विस्फोटमा परी स्थानीय २५ वर्षीय सरोज कुमार यादव, २६ वर्षीय कौशल यादव, २६ वर्षीय रितेश कुमार यादव र १७ वर्षीय सन्तोष पासवान घाइते भएको इलाका प्रहरी कार्यालय गौशालाले जनाएको छ ।
स्थानीय श्री रारामावि सुकचैनामा समाजवदी पाटी नगर कार्य समितिले आयोजना गरेको कार्यक्रममा सहभागिहरुका लागि चिया पकाउदै गरेको क्रममा ग्यास विस्फोट हुन गएको इलाका प्रहरी कार्यालय गौशालाले जनाएको हो ।
घाइते सबैको उपचार मन्त्रीको निजी हस्पीटल जनकपुर स्थित जानकी हेल्थ केयरमा भइरहेको छ ।
यो विषयमा आफ्नो प्रतिक्रिया दिनुहोस् !