लोक समाचारदाता
जनकपुरधाम, असोज २१ गते ।
धनुषाको विरेन्द्रबजार र धारापानीको बीचमा एक यात्रुवाहक बस पल्टिँदा कम्तिमा १५ जना घाइते भएको छ । जनकपुरबाट राजविराजका लागि छुटेको बस पल्टिँदा उनीहरू घाइते भएका हुन् ।
धनुषाको प्रहरी उपरीक्षक शेखर खनालले दिएको जानकारी अनुसार मंगलबार जनकपुरबाट राजविराजको लागि छुटेको ना ४ ख ७८९९ नम्बरको बस पल्टिँदा ११ जनाको अवस्था सामान्य रहेको छ भने ४ जनाको अवस्था मध्यम खालको रहेको छ ।
घाइते भएका सबै जनाको स्थानीय अस्पतालमा उपचार भइरहेको छ भने घटना बारे अनुसन्धान भइरहेको खनालले बताएका छन् ।
यो विषयमा आफ्नो प्रतिक्रिया दिनुहोस् !