मदिराको गन्धले एकै परिवारको ५ का मृत्यु

लोक समाचारदाता
जनकपुरधाम, असोज १६ गते ।
प्रदेश नं. २ को बारा जिल्ला फेटा गाउँपालिका ४ को एक गाउँमा एउटै परिवारको ५ जनाको शव फेला परेको छ ।
विहिबार विहान स्थानीय जोगा मुखियाको घरमा एकसाथ ५ वटा शव फेला परेको कुरा जिल्ला प्रहरी कार्यालय बाराले जनाएको छ । संचारकर्मीसंग कुरा गर्दै बाराका प्रहरी उपरीक्षक (एसपी) विकास खनालले एकै साथ ५ जनाको लास फेला परेको पुष्टि गरेका छन् ।
गएराति नै करिब ८ बजेतिर स्थानीय अन्दाजी बर्ष ४० को जोगा मुखियाको घरमा उनको सहित उनकी श्रीमति अन्दाजी बर्ष ३६ की लालमुनी देवी मुखिया, उनकी छोरी अन्दाजी बर्ष १२ की सुमिनी कुमारी मुखिया, उनका भाई अन्दाजी बर्ष २६ का महेन्द्र मुखिया र उनका ससुरा बाबा मुखिया भन्नेको शव फेला परेको बताइएको छ ।
प्रहरीले जनाए अनुसार, जोगा मुखियाले सँचालन गर्दै आएको घरेलु मदिरा भठ्ठीको नजिकै यो घटना भएको हो, स्थानीय एक जनाले उनको घरमा चहलपहल नपाएपछि हेर्न गएको र केही चहलपहल नपाएपछि शंका लागेर प्रहरीलाई खवर गरेको थियो । प्रहरी घटनास्थलमा तिनीहरुलाई पर्खाल भत्कार निकालेको थियो ।
मुखियाको घरको एक कोठामा घरेलु मदिरा भठ्ठी विगत ४ वर्षदेखि सँचालनमा रहेको स्थानीयवासीहरुलाई उदृत गर्दै एसपी खनालले बताउंदै मदिराको गन्ध र विषालु ग्यासका कारण पनि उस्सासिएर मृत्यू भएको हुन सक्ने अनुमान गरिएपनि यथार्थ भने पोष्टमार्टमपछि मात्र बाहिर आउने जानकारी दिएका छन् ।
मृतक पाँचै जनाको शव पोष्टमार्टमको लागि जिल्ला अस्पताल कलैया लगिएको जनाइएको छ । एकै घरमा एकैपटक पाँच जनाको लास भेटाएपछि सिँगो गाउँ नै त्रसित भएको छ ।