बलात्कार घटनाका फरार अभियुक्त ५ जना पक्राउ

लोक सम्वाददाता
जनकपुरधाम, भदौ ४ गते ।
बलत्कार घटनाका प्रहरी हिरासतबाट फरार अभियुक्त सहित ५ जनालाई प्रहरी पक्राउ गरेको छ ।
गत बिहीबार बयान लिने क्रममा अपराध अनुसन्धान शाखाबाट जिल्ला प्रहरी कार्यालयबाट फरार भएको बलात्कार घटनाका आरोपी राममणी यादवसहित चार विद्यार्थीलाई प्रहरीले मंगलबार पक्राउ गरेको हो ।
फरार भएको ६ दिनपछि प्रहरीले मंगलबार राति सिरहा माडरको भारतीय सीमाबाट यादव सहित पक्राउ पर्नेमा सिरहा औरहीका प्रमेश यादव, ठैगहीका सुर्यनारायण यादव, बसपिट्टाका राजकुमार यादव र अर्नमाका रामप्रकाश यादव रहेका छन् ।
पक्राउ परेका चारै जना विद्यार्थी जनकपुरधामस्थित एक कलेजमा ओभरसियर अध्ययनरत विद्यार्थी हुन् । पक्राउ परेकाहरुमाथि अनुसन्धान भइरहेको धनुषाका प्रहरी नायव उपरिक्षक रामेश्वर कार्कीले बताएका छन् ।
जनकपुरधाम उपमहानगरपालिका–८ बलुवा टोलमा डेरा लिई बस्दै आएका सिरहाका २० वर्षीय राममणी यादव डेरा नजिकै बालिकालाई जबरजस्ती करणी गरेको आरोपमा प्रहरीले पक्राउ परेको थियो तर अनुसन्धानको क्रममा प्रहरी हिरासतबाट फरार भएको थियो ।
प्रहरीको हिरासतबाटै आरोपी फारर भएपछि अपराध अनुसन्धान शाखाका असई राजकुमार भण्डारीलाई जिल्ला प्रहरी कार्यालय धनुषाले निलम्बन गरेको थियो । सो घटनाको छानबीन गरी फरार अभियुक्तलाई पक्राउ गर्न प्रहरी नायव उपरिक्षक कार्कीको संयोजकत्वमा ५ सदस्यीय टोली गठन गरिएको थियो ।