मनिष चौधरी
विराटनगर, भदौ ४ गते ।
पूर्वाञ्चल विश्वविद्यालयमा आर्थिक लेनदेनको आधारमा उपकुलपति नियुक्त गर्ने गरिएको आरोप लगाइएको छ ।
विश्वबिद्यालयका उपकुलपति प्रा.डा. घनश्यामलाल दासको कार्यअबधि सकिन केही दिन मात्र बाँकी रहेको अवस्थामा बाहिरबाट उपकुलपति र रजिष्टार नल्याउन सरकारलाई सचेत गराउने उद्देश्यले विराटनगरमा आयोजित पत्रकार सम्मेलनमा प्राध्यापकहरुले यस्तो आरोप लगाएका हुन ।
पत्रकार सम्मेलनमा उपस्थित प्राध्यापक संघका पुर्ब सभापति दिनेशराज सुवेदीले उपकुलपति सहितका पदाधिकारी नियुक्ति आर्थिक लेनदेनको आधारमा गर्ने गरिएको भने । उनले थप्दै भने पदाधिकारी नियुक्त भएर आएपछि बुझाएर आएको रकम कसरी असुल गर्न विभिन्न किसिमको नयाँ नयाँ शुल्क लागू गर्ने लगायतका क्रियाकलाप गर्ने गरेको कारण विद्यार्थीलाई पिडमार्का संगै विश्वविद्यालयको शाख जोगाउन पनि धौ धौ पर्ने गरेको छ ।
पूर्वाञ्चल विश्वविद्यालयको २५ औ बर्ष पुरा भईसकेको अबस्थामा अहिलेसम्म आन्तरिक रुपमा नेतृत्व पाउन नसकेको आरोप लगाउँदै विश्वविद्यालय कर्मचारी संघका सभापति राजकुमार सापकोटाले अबको नेतृत्व विश्वविद्यालय भित्रैबाट छान्न दवाव दिए ।
विश्वविद्यालयको काम कार्वाहीलाई नै प्रभावित पार्ने गरी धम्कीपुर्ण भाषामा आएको प्राध्यापक संघ र कर्मचारी संघको विज्ञप्तीमा विश्वविद्यालय भन्दा बाहिर गएर पदाधिकारी नियुक्त गरिए विश्वबिद्यालय भित्र बिषम् परिस्थीतीको सिर्जना गर्ने र अस्तब्यस्त पार्नेसम्मको चेतावनी दिइएको छ ।
बिभिन्न चलखेल गरेर बाहिरबाट आयातित विश्वविद्यालयको उपकुलपति र रजिष्टारहरुले जागिर र विभिन्न बहानामा विद्यार्थी तथा क्याम्पसहरुबाट अवैधानिक रुकम खान मात्र रहेकाले विश्वविद्यालयको अवस्था जर्जर भइरहेको आरोप समेत उनीहरुको छ ।
हाल पूर्वाञ्चल विश्वविद्यालय भित्र ७ जना प्राध्यापक र १९ जना सह प्राध्यापक रहेकोले उनीहरु मध्येबाट नै उपकुलपति तथा रजिष्ट्रार नियुक्त गर्नु पर्ने उनको भनाई छ । पूर्वाञ्चल विश्वविद्यालयको कुलपतिमा प्रधानमन्त्री रहने ब्यवस्था रहेको छ भने सह कुलपतिमा विज्ञान प्रबिधि तथा शिक्षा मन्त्री रहने ब्यवस्था गरिएको छ ।
राजनीति नियुक्ति हुने भएकोले यहाँको नियुक्तिको विषयमा बिभिन्न समयमा प्राध्यापकहरुले यो मागलाई उठाउँदै आएको भएपनि अहिलेसम्म बाहिरबाट प्राध्यापक ल्याएर उपकुलपति बनाउने गरिएपछि उनीहरुले आन्तरिक रुपमा नै उपकुलपति बनाउन माग गरेका हुन् ।
यो विषयमा आफ्नो प्रतिक्रिया दिनुहोस् !