वडा कार्यालयमा लाखौको धनमालको चोरी

लोक सम्वाददाता
जनकपुरधाम, भदौ २ गते ।
धनुषाको कमला नगरपालिका वडा नं. ४ को लाखौ रुपैया बराबरको धनमाल चोरी भएको छ ।
बलहा सघारा स्थित निर्माणाधीन अवस्थामा रहेको सो वडा कार्यालयमा शनिवार अबेर राति लाखौ रुपैया बराबरको धनमालको चोरी भएको स्थानीयले जनाएको छ ।
वडाध्यक्ष पल्टु कवारीले जनाए अनुसार कार्यालयमा रहेको डेल कम्पनीको ल्यापटप, प्रिन्टर सहितको कम्प्युटर सेट, राजश्वबाट उठेको १० हजार ४ सय नगद रुपैया र नगदी रसिद सहितका सामाग्री चोरी भएको छ ।
चोरहरुले कार्यालयमै रहेको मोटरसाईकललाई लग्न नसकेपछि छेउको दुर्गा मन्दिर पछाडीको नहरमा फयाकेको वार्ड अध्यक्ष कवारीले वताए ।
यसैबीच इलाका प्रहरी कार्यालय खजुरीका इन्सपेक्टर शंकर चौधरीले घटनाको छानवीन भइरहेको र छिटै नै दोषीलाई कानुन बमोजिम कारवाही गर्ने प्रतिबद्धता जनाएको छ ।