धारा ३७० खारेज गर्नु भारतको आन्तरिक मामिला : संयुक्त राष्ट्र संघ

एजेन्सी,
नयांदिल्ली, भदौ १ गते ।
संयुक्त राष्ट्रसंघको सुरक्षा परिषदको बैठकमा भएको छलफलमा अधिकांश सदस्य राष्ट्रले भारत प्रशासित जम्मू–कश्मीरलाई विशेष राज्यको दर्जा दिने भारतीय संविधानको धारा ३७० सरकारले गरेको खारेजी बारे भारतको आन्तरिक मामिला भएको जनाएका छन् ।
सदस्य राष्ट्रहरुको यस्तो भनाईले चीन र पाकिस्तानले यसलाई गलत रहेको संज्ञा दिएको भारतीय समाचार संस्था एएनआईले जनाएको छ । छलफलपछि पश्चात आयोजित पत्रकार सम्मेलनमा संयुक्त राष्ट्रसंघका लागि भारतीय राजदूत सैयद अकबरुद्दीनले धारा ३७० सम्बन्धी विषय आन्तरिक मुद्दा रहेको र यसमा बाहिरी अन्य का देशको कुनै सम्बन्ध नरहेको बताए ।
जम्मू–कश्मीरको आर्थिक तथा सामाजिक विकासका लागि भारतले हालै गरेको निर्णय सराहनीय रहेको उनले समेत भने । पाकिस्तानका राजदूत मलीहा लोधीले कश्मीरको विषय अन्तर्रा्ष्ट्रियकरण मात्रै गरेको धारणा राखिन् । पाकिस्तानले भारतीय कदमको विरोध गर्दै सुरक्षा परिषदलाई चिट्ठी लेखेपछि परिषदको अनौपचारिक बैठक राखिएको थियो ।
चिनिया राजदूतले भने सुरक्षा परिषद्का सदस्य राष्ट्रहरूले यो समस्या शान्तिपूर्ण तरिकाबाट सुल्झाउनु पर्ने बताएका थिए । संयुक्त राष्ट्रसंघको सुरक्षा परिषद्का सदस्य नभएका कारण पाकिस्तान र भारत भने बैठकमा सामेल हुन पाएका थिएनन् ।
भारतले जम्मु–कश्मिर बारे आफूले चालेको कदम नितान्त आफ्नो देशको मामिला भएको र यसले कुनै पनि अन्तर्रा्ष्ट्रिय कानून उल्लंघन नगर्ने तथा बोर्डरका सीमारेखा पार नगर्ने स्पष्ट पारेका छन् ।