समायोजन भई आएका कर्मचारीलाई मेयर साहले हाजिर हुन दिइ रहेछैन

लोक सम्वाददाता
जनकपुरधाम, साउन १६ गते ।
जनकपुरधाम उमहानगरपालिकाका मेयर लालकिशोर साहले समायोजन भएर आएका दुई कर्मचारीलाई कर्मचारी आवश्यकता नरहेको भन्दै हाजिर हुन दिएको छैन ।
ललितपुरको गोदावरी नगरपालिकाको शिक्षा शाखामा कार्यरत अधिकृत (आठौं तह) धिरेन्द्रलाल कर्ण समायोजन भइ समायोजन सहितको पत्र लिएर हाजिर हुन आउंदा प्रशासकीय अधिकृतले तोक लगाई दिएपनि मेयर साहले कर्मचारीको आवश्यकता नरहेको भन्दै हाजिर हुन दिइरहेको छैन ।
उपमहानगरपालिकााके शिक्षा इकाई समितिमा अधिकृतका लागि हाजिर हुने सहितका पत्र देखाउंदा कर्णलाई यहाँ कर्मचारीको आवश्यकता छैन भनी हाजिर हुन नदिएपछि उनले हामी कहाँ बस्ने प्रश्न गर्दा मेयर साहले जसले यहाँ पठाएछ त्यहीसँग गएर सोध्नु भनी जवाफ दिदैैं आएको कर्णले पत्रकारहरुसंग कुरा गर्दै बताए ।
कर्ण शिक्षा, विज्ञान तथा प्रविधि मन्त्रालयको पत्र र गोदावरी नगरपालिकाबाट रमाना लिएर हाजीर हुन गत आइतबार नै जनकपुरधाम उपमहानगरपालिका कार्यालय आइपुगेको थियो । प्रशाकीय अधिकृतले हाजिर हुन तोक लगाइ दिइयो तर मेयर साहले न त हाजिर हुन दिए न कर्मचारी फिर्ता पठाइएको बारे पत्र संघीय मामिला तथा समान्य मन्त्रालयलाई पठाएको छ ।
प्रशासकीय अधिकृत परियार सरुवा भएर आएका कर्णलाई हाजीर गराउने पक्षमा देखिए पनि प्रमुख साह भने हाजिर हुन नदिने पक्षमा देखिएको छ । अधिकृत परियारले हाजिर हुन दिन सिफारिस गरेपनि सो पत्र दर्ता चलानी शाखाले पत्र दर्ता गर्न मानेन् । अधिकृत कर्णका अनुसार दर्ता शाखामा कार्यरत कर्मचारीहरुले कर्मचारी हाजीर नगराउन मेयर साहको मौखिक आदेश दिएको छ ।
त्यस्तै धनुषास्थित स्वास्थ्य चौकी लखौरीबाट समायोजनपछि जनकपुरधाम उपमहानगरपालिका सरुवा गरिएका कार्यालय सहयोगी रामसकल साहपनि कागजपत्र बोकेर हाजीर हुन धाइरहेका छन् ।
गत २० दिनदेखि उपमहानगरपालिका कार्यालय धाइरहेका उनलाई समेत हाजीर गराउन कार्यालयले आलटाल गरिरहेको छ । प्रशासकीय अधिकृत परियारलाई भेट्दा उनले प्रमुखसँग भेट्न भनेको तर अहिलेसम्म प्रमुखसँग भेट हुन नसकेको साहको गुनासो छ । आफूलाई किन हाजीर नगराएको विषयमा प्रशासकीय अधिकृतले समेत केही नबोलेको उनको भनाइ छ ।
उता दर्ता शाखाका प्रमुख तथा नायब सुब्बा बद्रिनाथ बाग्ले र प्रशासन शाखाका नायब सुब्बा रामसुन्दर दासले नगरप्रमुखको मौखिक आदेशका कारण हाजीर हुन आएका कर्मचारीको पत्र दर्ता नगरेको र हाजीर नगराएको बताएका छन् ।
यता मेयर साह सँग पटक पटक कति पटक त सम्पर्क हुन सकेन सम्पर्क भएपनि मोबाइल उनका सहयोगीले रिसिभ गरेर मेयर साहब व्यस्त हुनु हुन्छ पछि कुरा गर्नु प्रतिक्रिया दिएका छन् ।