जनतालाई भ्रममा पार्ने हंसपुर नपा मेयरको चाल : नक्कली शैक्षिक योग्यता समाजिक सञ्जालमा पोष्ट

लोक सम्वाददाता
जनकपुरधाम, साउन १३ गते ।
नयाँ संघीय संरचना अनुसार नप्रतिनिधिको प्रमुख काम हो, जनताको विकास र समृद्धिका सेवाभावले खटनु न कि झुक्याउनु । तर अहिले जनप्रतिनिधिहरु खासगरी स्थानीय तहका जनप्रतिनिधि जनतालाई दोधार र भ्रममा राखेर भ्रष्टाचार र अनियमिततामा जुटेका छन् ।
त्यस्तै जनप्रतिनिधि मध्ये एक हुन धनुषा जिल्लाको हंसपुर नगरपालिकाका मेयर रामज्ञान मण्डल, जुन पदीय भार ग्रहणदेखि नै आफ्नै पार्टीका उपमेयर सँग विरवादित रहदै आएका छन् । सधै विवादमा रहेका मेयर मण्डलले समाजिक सञ्जाल फेसबुकमा आफू सफ्टवेयर इन्जिनीय छु भन्ने कुरा प्रोफाइलमा राखेर झुक्याउने काम गरेको देखिएको छ ।
मण्डलले आफ्नो प्रोफाइलमा Worked मा Mengajar at selce man लेखेका छन् । जसमा मैनेजर र सेल्समैनको स्पेलिंग गलत लेखिएको छ, आज साउन १३ गते सोमवारका दिन स्नैपसर्ट गरिएको फोटोमा प्रष्टै देख्न सकिन्छ ।

त्यति मात्र होइन उनी आफ्नो अध्ययनमा Studied Software engineering at ra.ra.ba. janakpur लेखेका छन् । जुन सरासर गलत र जनतालाई भ्रममा पार्ने कुरा मात्रै हो । किनकी रामसागर रामस्वरुप बहुमुखि क्याम्पसमा Software engineering को कोर्ष नै छैनन् । राराब क्याम्पस व्यवस्थापकका अनुसार सो क्याम्पसमा Software engineering होइन, इन्जिनीयरिंग संकायतर्फ Computer मा BscIT कोर्षको अध्यापन हुन्छ । यहाँनेर Studied शब्दको अध्यापन सँग कुनै अर्थ छैन ।
Cambridge English Dictionary अनुसार studied definition: 1. very carefully and intentionally done, made, or considered, rather than in a completely honest or sincere way जसको नेपाली अर्थ हुन्छ ः एकदम ध्यानपूर्वक र जानाजानी गरेको, बनाइएको, वा विचार गरिएको भन्दा पूर्ण इमानदार वा इमान्दार तरीकाले ।

त्यति मात्र होइन उनले शैक्षिक वर्षमा Attended : 1984 to 2005 लेखेका छन् । यसको अर्थ यो हुन आउँछ कि उनी देखि सम्म १९ वर्ष सो डिग्री प्राप्त गर्न लगाए । नेपालको त्रिभुवन विश्वविद्यालयको इतिहासमा कहिलेपनि नभएको कुरा उल्लेख गरेका छन् । कोर्ष सम्पन्न २००५ लेखेका जबकि उक्त समयमा राराब क्याम्पसमा इन्जिनीयरिंगको कुनै अध्यापन नै भइरहेको थििएन । राराबमा मुश्किलले ४/५ वर्ष अघि कोर्ष लागू भएको हो । अहिले पहिलो ब्याच मात्र सकिएको हो । यस्तो अवस्थामा उनी कसरी इन्जिनीयरिंग गरे ।

कुनै शब्दको अर्थ नै बुझि जे पाए त्यही लेखेर जनतालाई भ्रममा पार्नु एउटा जिम्मेवार पदमा बसेका जनप्रतिनिधिलाई सुहाउंदैन । उनको प्रोफाइल हेर्दा यो लाग्छ कि उनको या त अध्ययन नै गरेको छैन, यदि गरेको छ पनि त्यो गलत तरिकाले अध्ययन गरेको हो ।

मेयर मण्डल विगतमा वैदेशिक रोजगारमा थिए, त्यसपछि वैदेशिक रोजगारमा मान्छेलाई विदेश पठाउने एजेन्टको रुपमा काम गर्दै आएका थिए । पछि भानु चौकमा पसल गर्दै गरेका थिए । सोही बीचमा स्थानीय तहको निर्वाचन आयो र राजपाबाट टिकट पाएर हंसपुर नगरपालिकाको प्रमुख पदमा निर्वाचित भए ।