मणि ट्रान्सफरबाट रकम चोरी गर्ने दुईजना पक्राउ

लोक सम्वाददाता
जनकपुरधाम, साउन ११ गते ।
मणि ट्रान्सफरबाट रकम चोरी गरेको आरोपमा धनुषा प्रहरीले दुई जनालाई पक्राउ गरेको छ ।
जिल्लाको शहीदनगर नगरपालिका वडा नम्ब ३ स्थित पारस मणि ट्रान्सफरबाट सटरको ताला फुटाएर स्थानीय गोविन्द यादव सहित प्रहरीले दुई जनालाई पक्राउ गरेको हो ।
शनिवार राति करीब एक बजेतिर यादवलाई प्रहरीले शंकास्पद अवस्थामा हिंडिरहेको क्रममा चेकजाँच गर्दा उनको साथबाट ३ लाख ३९ हजार ५ सय रुपैया फेला परेको थियो । यादवलाई नियन्त्रणमा लिई अनुसन्धान गर्दै जाँदा पारस मणि ट्रान्सफरबाट सो रुपैया चोरी गरेको कुरा खुलेको थियो ।
ईलाका प्रहरी कार्यालयबाट खटि गएका प्रहरी टोलीले शनिवार बिहान मनि ट्रान्सफरको संचालकलाई लिएर घटना स्थलमा जाँदा सटरको ताल्टा फुटाएर टेबुलको घर्राबाट रकम निकालिएको देखिएपछि सोही पसलबाट रकम चोरी भएको पुष्टि भएको थियो ।
पक्राउ परेका निज गोविन्द यादवलाई ई.प्र.का. यदुकूहा बाट चोरी मुद्धामा १० दिन म्याद थप गरी अनुसन्धान कार्य सुरु गरीएको छ भने अनुसन्धानको क्रममा सोहि घट्नामा थप १ जना स्थानीय रामु यादव समेत पक्राउ गरिएको जिल्ला प्रहरी कार्यालय धनुषाले जनाएको छ ।