लोक सम्वाददाता
जनकपुरधाम, साउन ६ गते ।
पछिल्लो समय निकै चर्चामा रहेको प्रदेश २ सरकारका विभिन्न मन्त्रालयले रकमान्तर गरेको भन्ने कुरा लाखौ रुपैयाको योजना लेनदेनको आधारमा रकमान्तर गरिएको खुलासा भएको छ ।
प्राप्त जानकारी अनुसार आर्थिक मामिला तथा योजना मन्त्री विजय यादवले १० लाख रुपैया बराबरको डकुमेन्ट्रीको योजना लिएर समाजिक विकास मन्त्रालयको विभिन्न शिर्षकको बजेट रकमान्तर गरेको हो ।
श्रोतका अनुसार समाजिक विकास मन्त्री नवलकिशोर साहले आफ्ना नजिकका मान्छे सँग कुरा गर्दै भने आर्थिक मामिला तथा योजना मन्त्री यादवले त्यसै बजेट रकमान्तर गरेको होइन आफूसँग १० लाख रुपैया बराबरको योजना लिएर रकमान्तर गरेको र लाखौ रुपैया बराबरको अन्य योजनाहरु समेत आफ्ना भाईभरदार, पार्टी कार्यकर्तालाई आपसी सहमतिको आधारमा दिलाइको भने ।
मन्त्री साहले मन्त्री यादवप्रति आक्रोश व्यक्त गर्दै आफूसँग १० लाख रुपैया लिएर रकमान्तर गरेको भन्ने कुरा लोकपुकारसँग प्रमाण सुरक्षित छ ।
पछिल्लो समय योजना लेनदेनकै विषयलाई लिएर मन्त्री यादवले उद्योग मन्त्रालयका तात्कालिन सचिव विद्यानन्द झालाई कुटपिट गरेको भन्ने कुरा पनि समाजिक सञ्जाल र संचार माध्यममा निकै भाइरल भएको थियो ।
उद्योग, वन तथा पर्यटन मन्त्रालय र समाजिक विकास मन्त्रालयका करोडौको योजना रकमान्तर गरिएको भन्ने कुरा विभिन्न समाचार माध्यममा समाचार आएपछि पछिल्लो समय निकै चर्चा पाएको थियो ।
प्रदेश २ सरकार कति भ्रष्टाचारमा लिप्त हो भन्ने कुरा रकमान्तरको नाममा योजना लिनु भनेको कुराले प्रष्ट हुन्छ । आर्थिक मन्त्री यादवले समाजिक विकास मात्रै होइन उद्योग, वन, वातावरण तथा पर्यटन मन्त्रालय सहित अन्य मन्त्रालयको रकमान्तर पनि करोडौ रुपैयाको योजना लेनदेनको आधारमा गरिएको भन्ने कुरा समेत बुझिएको छ ।
यो विषयमा आफ्नो प्रतिक्रिया दिनुहोस् !