लोक सम्वाददाता
हेटौंडा, साउन ६ गते ।
मकवानपुरमा प्रहरी र गाँजा तस्करबीच गोली हानाहान भएको छ ।
गएराती जिल्लाके मनहरि गाउँपालिका ९ रजैयास्थित राप्तीखोला बगरमा गाँजा तस्करलाई नियन्त्रण गर्न खोज्दा राति साढे १२ बजे गोली हानाहान भएको बताइएको छ ।
५÷६ जनाको समूहले गाँजा तस्करी गरिरहेको सूचना पाएर गएको प्रहरी र उक्त समूहबीच गोली हानाहान भएको हो । तस्करको समूहले गोली चलाएपछि प्रहरीले गोली चलाएको मकवानपुरका प्रहरी उपरिक्षक मुकेश सिंहले बताएका छन् ।
गोली चले पनि मानवीय क्षति भने भएको छैन । घटनामा प्रहरी सहायक निरीक्षक नवीन बिक्रम थापा घाइते भएका छन् । प्रहरीले राक्सिराङ गाउँपालिका–१ का ४३ वर्षीय कुमार भनिने राजु स्याङ्तानलाई पक्राउ गरेको छ ।
उनको साथबाट एक थान कटुवा पेस्तोल, पेस्तोलमा लाग्ने गोलीको खोका १ राउण्ड, ५ राउण्ड गोली र करिब ३१ केजी ४ सय ग्राम गाँजा प्रहरीले बरामद गरेको हो । यसअघि पनि लागुऔषधको कारोबारमना संलग्न भई सजाय पाएको प्रहरीको अनुसन्धानबाट खुलेको छ ।
पक्राउ परेका स्याङ्तानलाई लागु औषध, हातहतियार खरखजना र ज्यानमार्ने उद्योगमा मुद्दा दर्ता चलाउने जिप्रका मकवानपुरले जनाएको छ ।
प्रहरी र गाँजा तस्करबीच गोली हानाहान
नोट: लोकपुकार डटकममा प्रकाशित कुनैपनि सामाग्री बिना इजाजत लिई हुबहु वा आंशिक रुपमा कपी गरी प्रकाशन गरे विद्युतिय ऐन बमोजिम दण्डनीय अपराध मानिनेछ । यस किसिमको कार्य गरेको पाइएमा सम्बन्धित संचार माध्यम विरुद्ध हामी कानूनी उपचार खोज्न बाध्य हुनेछौ भनी सचेत गराउन चाहन्छौं ।
Related Posts
ताजा खबर
नेपाली, मैथिली र हिन्दी भाषाको यो देशकै पहिलो त्रैभाषिक डिजिटल पत्रिका हो । तपाईको सरोकार र चासोको विषयलाई समेटेर समाचारको रुपमा पस्किन लोकपुकार डटकम निरन्तर तयार रहनेछ ।….. विस्तृत
यो विषयमा आफ्नो प्रतिक्रिया दिनुहोस् !