लोक सम्वाददाता
जनकपुरधाम, असार २६ गते।
धनुषाको सबै भन्दा विवादित नगरपालिकाको रूपमा चिनिएको मध्ये हंसपुर नगरपालिकामा मेयरकै संलग्नतामा व्यापक भ्रष्टाचार भएको रहस्य बाहरिएको छ ।
मेयर रामज्ञान मण्डलको निर्देशनमा सो नगरपालिकामा आर्थिक कार्यविधि नियमावली २०६४ विपरित विगतको आर्थिक वर्षमा समेत निकै कामहरु भएको छ भने चालु आर्थिक वर्षमा समेत जारी रहेको छ ।
नगरपालिकाका प्रमुख मेयर मण्डललाई २०७४ ।१२।२१ गते देखि ०७४।१२।२९ सम्म,२०७४ ८।१५ गत् देखि २०७४।६।२७ देखि २०७४।७।१ सम्म काठमाडौ भ्रमण गरेवापत बिना कुनै बिल भरपाईको ५लाख ७७ हजार भुक्तानी दिइएको छ।
विना कुनै कानुनी पक्रिया पुरा गरेर दिइएको सो रकम असुल्न लेखा परिक्षकको प्रतिवेदनमा उल्लेख गरिएको छ। मेयर मण्डलले विभिन्न योजनाको अनुगमनको नाउमा समेत जथाभावि रुपमा भत्ता बुझेका छन । विना प्रक्रिया पुराएर नगरपालिकबाट भत्ता बुझीइएके छ। भ्रमण खर्च नियमावली विपरित भत्ता बुझीएको स्रोतको दाबी छ।
१५ किलोमिटर भन्दा टाढाको दुरीमा मात्रै दैनिक भत्ता पाउने व्यवस्था भएकोले १५ किलोमिटर भित्र अनुगमन भत्ता दिन नमिल्ने व्यवस्था हुदा समेत मेयर मण्डलले आफै नियमिावली विपरित भत्ता बुझेका छन । बहुक्षेत्रिय पोषण योजनाको अनुगमन तथा मुल्याकंन वापत नगरप्रमुख मण्डल सहित ६ जनाले ६० हजार भत्ता बुझेका छन ।
जनस्वास्थ्य संयोजक विगुल यादव र लेखापाल अरविन्दकुमार दासलाई स्वास्थ्य सम्बन्धी कार्यक्रमको अनुगमन तथा सुरपरिक्षण वापत २७ हजार भत्ता दिएका छन ।
त्यसैगरि गत आर्थिक वर्षमा नगरपालिकामा संचार खर्चको नाउमा नै रिचार्ज करिब ३४ हजारको खरिद गरिएको छ।हंसपुर नगरपालिकामा व्यक्तिगत प्रयोजनाको लागि मोवाईल समेत नगरपालिकाको खर्चमा खरिद गरिएको छ ।
आतंकित उपमेयर झा
हंसपुर नगरपालिकाका उपमेयर रेणु झा आफु मेयर राम ज्ञान मण्डलको कारणले असुरक्षीत रहेको बताइएकी छिन ।
समाजिक संजालमा आफुलाई मेयर मण्डलको निर्देशनमा विभिन्न प्रकारले धम्कीहरु आउने गरिएको जनाइएकी छिन । समाजिक संजालमा उनले आफुले विभिन्न योजनाहरुको अनुगमनको क्रममा धम्की आउने गरिएकी बताएकी छिन । उपमेयर झाले समाजिक संजालमा लेखेकी छिन मेरो अनुगमन को बेला मलाई बिभिन धम्की दिन्छ यो मलाई र मेरो परिवार समेत लाई केहि भए हंसपुर को मेयर समातनु म अब धेरै भयभित भएको छु ।
यो विषयमा आफ्नो प्रतिक्रिया दिनुहोस् !