लोक सम्वाददाता
जनकपुरधाम, असार २१ गते ।
नेपालकै टप फाईव सूचीमा रहेका प्रदेश २ का राजधानी जनकपुरधाम स्थित निर्माण कम्पनी रमण/पप्पु जेभी कन्स्ट्रक्सन कालो सूचीमा पर्ने प्रक्रिया अघि बढेको छ ।
नारायण पुल समयमा निर्माण गर्न नसक्दा सम्झौताकर्ता सडक विभाग, हुलाकी राजमार्ग निर्देशनालय टेकुले सम्झौता रद्द गरेपछि रमण पप्पु जेभी कालोसूचीमा स्वतः पर्ने भएको छ ।
निर्देशनालयले गत ०७६ असार १६ गते सार्वजनिक सूचना जारी गर्दै सम्झौता बमोजिम काम नगरेको भन्दै सार्वजनिक खरिद नियमावली ऐन २०६३ को दफा ७ अनुसार ठेक्का रद्द गरेको हो ।
पुल निर्माणको काम गर्न रमन कन्स्टक्सनले ०६९ असार २५ गते ४ वर्षका लागि नारायण पुल निर्माण गर्न सम्झौता गरिएको थियो । तर समयावधि सकेपछि निर्देशनालयले तत्काल काम सुरु गर्न पटक पटक सूचना जारी गर्दै तोकता गर्दा पनि कुनै चासो नलिएपछि अन्तिम पटक गत असार १२ गते सार्वजनिक सूचना जारी गर्यो । तर कम्पनीका सञ्चालकले उक्त सूचनालाई समेत वेवास्ता गरे । त्यसपछि बाध्य भएर सरकारले असार २० गते सम्झौता रद्द गरेको हो ।
सवैभन्दा कम लागतमा पुलको निर्माण गर्ने भन्दै टेण्डर आवेदन भरेपछि उक्त कम्पनीलाई सरकारले छनौंट गरेको थियो । तर कम्पनीले करोडौ घाटा लाग्ने देखेपछि विभिन्न बहाना गर्दै समय विताउने काम मात्र गर्दै आएको थियो ।
ठेक्का हत्याएपछि विभिन्न बहाना देखाएर काम नगर्ने कम्पनीका संचालक एवं संघीय सरकार नेकपाका नेता समेत रहेका ठेकेदार बलराम महतोले पेश्की बापत १० प्रतिशत रकम भने बुझेका थिए । उनले लिएको १० प्रतिशत रकम अझसम्म फिर्ता गरेका छैनन् । जुन सरासर भ्रष्टाचार हो ।
रमन कन्स्ट्रक्सनले यसरी नै काम लिने, पेश्की बुझ्ने तर काम नगरी राज्यको ढुकुटी दोहन गर्दै आइरहेको आरोप लाग्दै आएको छ । पपपु कन्स्टक्सनलाई भने यसअघि नै सरकारले कालो सूचीमा राखेर कारबाही गरिसकेको छ ।
कालो सूचीमा पर्ने प्रक्रिया
सरकारले ठेक्का तोडेसँगै दोस्रो प्रक्रिया भनेको काम लिने र काम नगर्ने कम्पनीलाई कालो सूचीमा सूचीकृत गर्न पत्र पठाउने हो । सरकारले रमन कन्स्ट्रक्सनलाई कालो सूचीमा राख्ने तयारी गरिरहेको छ । सार्वजनिक खरिद नियमावलीको ७ औं संसोधन अनुसार अब निर्देशनालले सार्वजनिक खरिद अनुगमनको कार्यालयलाई पत्र पठाउने वित्तिकै उक्त कम्पनी स्वतः कालो सूचीमा पर्नेछ ।
रमण कन्स्टक्सन कम्पनीले ऐतिहासिक तथा पुरातात्विक धरहरा बनाउने ठेक्का लिएको छ । उता कालो सूचीमा नराख्न ठेकेदार बलराम महतोले नेकपाका अध्यक्ष पुष्पकमल दाहाल ‘प्रचण्ड’ मार्फत दबाब दिइरहेको सडक विभाग स्रोतले जनाएको छ ।
ठेकेदार शारदा अधिकारीसँग प्रचण्डको नाम जोडिएर विवादमा पर्न थालेपछि प्रायजसो ठेक्कापट्टाको काम अहिले महतोलाई दिन थालिएको अन्य निर्माण ब्यवसायीको आरोप छ । हुन पनि अहिले प्रचण्ड र बलराम महतोबीच ‘नङ र मासु’ को सम्वन्धजस्तै सम्वन्ध झाँगिएको छ । त्यसो त ठेकेदार महतोले निर्वाचनमा प्रचण्डलाई जिताउन आफूले ५ करोड खर्चेको फुक्दै हिँडेका छन् । ठेकेदार महतोको हरेक वैध(अवैध कामलाई अहिले प्रचण्डले संरक्षण दिइरहेको आरोप लाग्ने गरेको छ ।
बचाउका लागि ठेकेदार कम्पनीको विज्ञप्ति ः
ठेकेदार शारदा अधिकारीसँग प्रचण्डको नाम जोडिएर विवादमा पर्न थालेपछि प्रायजसो ठेक्कापट्टाको काम अहिले महतोलाई दिन थालिएको अन्य निर्माण ब्यवसायीको आरोप छ । हुन पनि अहिले प्रचण्ड र बलराम महतोबीच ‘नङ र मासु’ को सम्वन्धजस्तै सम्वन्ध झाँगिएको छ । त्यसो त ठेकेदार महतोले निर्वाचनमा प्रचण्डलाई जिताउन आफूले ५ करोड खर्चेको फुक्दै हिँडेका छन् । ठेकेदार महतोको हरेक वैध(अवैध कामलाई अहिले प्रचण्डले संरक्षण दिइरहेको आरोप लाग्ने गरेको छ ।
बचाउका लागि ठेकेदार कम्पनीको विज्ञप्ति ः
यसैबीच सरकारले कर्णालीको पुल बनाउन नसकेको भन्दै ठेक्का तोडेपछि त्यसको बचाउ गर्दै ठेकेदार कम्पनीले पनि बचाउ विज्ञप्ति जारी गरेको छ । उसले ठेक्का तोडेकोप्रति अहिलेसम्म इआइए नभएको बहाना बनाएको छ । कम्पनीले इआइए नभएकै कारण कामको स्थगन गर्नुपरेको तर्क प्रस्तुत गरेको छ । कम्पनीले काम सुचारु गर्न पटक पटक निवेदन दिएको पनि सूचनामार्फत जनाएको छ ।
उता हुलाकी राजमार्ग निर्देशनालयले भने सार्वजनिक सूचना जारी गर्दा समेत कम्पनीको कुनै पनि जिम्मेवार ब्यक्ति सम्पर्कमा नआएको र पुल निर्माणको काम अघि नबढेपछि ठेक्का तोड्नु परेको जनायो । सरकारले अब काम गर्न नसक्ने कुनै पनि ठेकेदार कम्पनीलाई नयाँ ठेक्का नदिने घोषित नीति बनाएको छ । ठेक्का तोडिने वित्तिकै कम्पनीले ठेकेदार कम्पनीलाई कालो सूचीमा राख्नुपर्ने हुन्छ ।
यो विषयमा आफ्नो प्रतिक्रिया दिनुहोस् !