लोक सम्वाददाता
जनकपुरधाम, असार १९ गते।
जनकपुरधाम उपमहानगरपालिकामा कामै नभएको शिर्षकहरूमा बजेटहरु खर्च गरेर मेयर लालकिशोर साह करोड़ौ रूपमा कुमल्याएका छन।
गत २० वर्षपछि आएको जनप्रतिनिधिहरु काम भन्दा समेत कर्मचारी भन्दा पनि लुटतन्त्रमा लिप्त देखिएका छन । उनिहरु विभिन्न शिर्षकमा मनपरि ढंगले रकम खर्च गरेका छन भने कमै नभएको शिर्षकमा समेत बजेट निकासा गरेर खर्च गरेका छन ।
जनकपुरधाम उपमहानगरपालिकाले सार्वजनिक गरेको आय व्ययका अनुसार मेयर कप शहिद परिवारलाई सम्मान सहित आर्थिक सहयोग शिर्षकमा १० लाख ७८ हजार २सय ५० रुपैया खर्च भएको छ। तर रकम खर्च भएपनि हालसम्म मेयर कप सम्बन्धी कुनै कार्यक्रम नै नभएको बताइएको छ ।
धार्मिक कार्य संरक्षणमा जनकपुरधाम उपमहानगरपालिकाले ६ लाख ६५ हजार ३सय १७ रुपैया खर्च भएको छ । त्यसैगरि शिक्षाक तथा खेलकुद संस्कृति कार्यक्रममा २२लाख ६८ हजार ३सय ४९ रुपैया खर्चभएको छ। तर खर्च पारदर्शी हुनुको सट्टा उपमहानगरपालिकासंग खर्च हिसाब माग्दा मेयर लालकिसोर साहको निर्देशनमा रोकिएको छ।
यो विषयमा आफ्नो प्रतिक्रिया दिनुहोस् !