दाइजो मांगेको भन्दै ज्वाईंलाई रुखमा बाँधेर कुटियो

लोक सम्वाददाता
जनकपुरधाम, असार १८ गते । 
दाइजो मांगेर आफ्नो छोरीलाई सताएको भन्दै भारतको बिहारस्थित मुजफ्फरपुर जिल्लाको सुमेरा गाउँमा एक ज्वाँइलाईससुराली पक्षले रुखमा बाँधेर कुटपिट गरेका छन् । 
गाउँलेको सहयोगमा ससुराली पक्षले सुमेराका अवधेश कुमारलाई उनको रुखमा बाँधेर कुटपिट गरेका हुन् । अवधेशले आफ्नो छोरीलाई दाइजोको नाममा सधैँ कुटपिट गर्ने गरेको आरोप उक्त ससुराली परिवारजनको आरोप रहेको छ । 
दाइजोका लागि बेहुलीलाई सताउने गरेको भनी थुप्रै पटक गाउँ पञ्चायतमा कुरा उठे पनि ज्वाईँले बानी नसुधारेकोले कुटपिट गरेको ससूराले बताएका छन् । प्रहरीले दुवै पक्षसँग बयान लिएर घटनाको कारबाही अघि बढाएको बताइएको छ ।