कार र चाँदी सहित भारतीय पक्राउ

लोक सम्वाददाता
विराटनगर, असार १७ गते ।
मोरङ्ग जिल्लाको विराटनगर महानगरपालिकाबाट एक भारतीय नागरिक करिब ६० किलो चाँदी र कारसहित पक्राउ परेको छ ।
पक्राउ पर्नेमा भारत जोगबनी घर भएका २३ वर्षीय गौरव साह रहेको जिल्ला प्रहरी कार्यालय मोरङ्गले जनाएको छ । सोमबार साँझ महानगरको वडा नम्बर ९ रोडशेष चोकबाट साहलाई पक्राउ गरिएको मोरङ प्रहरीको प्रवक्ता डीएसपी घनश्याम श्रेष्ठले जनाएको छ ।
नेपालबाट भारतीय सीमावर्ती बजार जोगवनीतर्फ जाँदै गरेको बीआर ११ एके १७९१ नम्बरको कारलाई प्रहरीले चालकसहित नियन्त्रणमा लिएको हो । विशेष सुचनाका आधारमा चेकजाँच गर्दा ५९.९५ केजी चाँदीसहित भारतीय नागरिक पक्राउ परेको डीएसपी श्रेष्ठले बताए ।