सिरहाको प्रयागपुरमा ट्रक र बस ठोक्किदा २ को मृत्यु

लहान, जेठ १० गते ।
सिरहामा साढेलाई जोगाउने क्रममा ट्रक र यात्रुवाहक बस एक आपसमा ठोक्किदा भएको दुर्घटनामा २ जनाको मृत्यु भएको छ भने दुई दर्जनभन्दा बढी घाइते भएको छ ।
पूर्व झापाबाट काठमाण्डौ गइरहेको ना ८ ख ९८२ नम्बरको प्राइम बस गोरुको साढेलाई जोगाउने क्रममा बिपरीत दिशाबाट जादै गरेको ना.३ ख.४२६४ नम्बरको सिरहाको कर्जन्हा १० प्रयागपूर चौकमा एक आपसमा ठोक्किदा दुर्घटना हुन गएको इलाका प्रहरी कार्यालय मिर्चैयाका प्रहरी नायव उपरीक्षक सुकदेव खनालले बताए ।
सो दुर्घटनामा मृत्यु हुनेमा जिल्ला झापा जलपल नगरपालिक वडा नं.७ मा घर भएका करिब ४३ वर्षीय मदन कुमार उप्रेतीको उपचारको क्रममा मृत्यू भएको र बसको चालक जिल्ला भोजपुर बस्ने अन्दाजि ४१ वर्षीय हरी रण पहेलीलाई पनि मंगलम् हेल्थ केयर मिर्चैयामा उपचारको क्रममा मृत्यू भएको इलाका प्रहरी कार्यालय मिर्चैयाका प्रहरी नायव उपरीक्षक सुकदेव खनालले बताए ।
घाइते मध्ये अबस्था गम्भिर रहेका १० जनालाई थप उपचारका लागि बिपी कोईराला स्वास्थ्य बिज्ञान प्रतिष्ठान धरान र विराटनगर पठाईएको इलाका प्रहरी कार्यालय मिर्चैयाका (डीएसपी) खनालले बताए ।
साथै घाइते मध्ये १७ जनाको फुलकुमारी महतो मेमोरियल हस्पिटल कर्जन्हा, मंगलम् हेल्थ केयर मिर्चैया उपचार भईरहेको ट्राफिक प्रहरी पोष्ट मिर्चैयाका प्रहरी नायब निरिक्षक बिकु नारायण काशिछवाले बताए ।