जनकपुरधाम, जेठ १० गते ।
नेपाली विद्यार्थीलाई गुणस्तरीय उच्च शिक्षा हासिल गर्न÷गराउन उद्देश्यले शैक्षिक परामर्शका लागि भारतीय कलेज तथा युनिभरसिटीको समुपस्थितिमा प्रत्येक वर्ष झै यसवर्ष पनि जनकपुरधाम वृहत भारतीय शैक्षिक मेला आयोजना हुन लागेको छ ।
जनकपुरधाम स्थित कैरियर ड्रीम, मेड इजी र वल्र्डवाइज एजुकेशन प्वाईन्ट एजुकेशन कन्सलटेन्सीको संयुक्त आयोजनामा भारतका प्रतिष्ठित कलेजहरुमा शैक्षिक परामर्श दिने मुख्य उद्देश्यका साथ जनकपुरधाममा ८ औं वृहत्त शैक्षिक मेलाको जेठ ११ गते आयोजना हुन लागेको हो ।
एसईई र कक्षा १२ को परीक्षा दिईसकेका विद्यार्थीहरुलाई लक्षित गर्दै आयोजक समितिले शैक्षिक मेलामा भारतका २० वटा निजी विश्वविद्यालय र कलेजहरुको शैक्षिक परामर्शका लागि सहभागिता गराउने भएको छ ।
सो शैक्षिक मेलामा भारतका प्रतिष्ठित कलेजहरु सहभागी हुने शुक्रबार पत्रकार सम्मेलनको आयोजना गरि क्यारियर ड्रिम एजुकेशन कन्सल्टेन्सीका प्रबन्ध निर्देशक राकेश कुमार साहले जानकारी दिए ।
कक्षा ११ देखि मेडिकल, पारा मेडिकल, मैनेजमेन्ट, एमबीए, इन्जिनीरिंग सहित पिएचडिसम्म अध्यापन गराउने भारतका गुजरात, पंजाब, हरियाना, आसाम र उत्तर प्रदेश सहित विभिन्न राज्य तथा शहरका कलेज तथा युनिभरसिटीका प्रतिनिधिहरुको सहभागिता रहने जानकारी समेत उनले दिए ।
प्रत्येक वर्ष झै यसवर्ष पनि सो शैक्षिक मेलामा मार्क प्रसेन्टेजको आधारमा जेहेन्दार विद्यार्थीलाई पुर्ण छात्रवृतिको व्यवस्था समेत गरिएको जनाइएको छ । शैक्षिक मेलामा भारतका प्रतिष्ठित पारुल युनिर्भ्सिटी, काजिरंगा युनिर्भ्सिटी, गीता ग्रुप अफ इन्टिच्युसन, देश भगत युनिर्भ्सिटी, कर्नल ग्रुप अफ इन्टिच्युसन, ग्लोवल इन्टिच्युट, हिन्दुस्तान इन्टिच्युट अफ टेक्नोलोजी एण्ड म्यानेजमेन्ट लगायतका २० वटा कलेज तथा युनिर्भ्सिटीहरु सहभागिता रहने बताइएको छ ।
यो विषयमा आफ्नो प्रतिक्रिया दिनुहोस् !