जनकपुरधाम उपमेयर र वडाध्यक्षले व्यवसायीलाई कुटे, अवस्था तनाग्रस्त

जनकपुरधाम, जेठ ३ गते ।
जनकपुर उपमहानगरपालिकाको जनप्रतिनिधिको कुटाईबाट एक व्यवसायी घाइते भएको छ ।
शुक्रवार दिउंसो सरसफाईको विषयलाई लिएर जनकपुरधाम उपमहानगरपालिकाका उपमेयर रिता मिश्र र वडा नं. ७ का अध्यक्ष जानकीराम साहले ग्रिन टेलर्सका संचालक मो. असलममाथि हातपात गरेपछि बढेको विवादको क्रममा व्यवसायी अरमान दर्जी समेत पर्न गएको र तिनीहरुको कुटाईबाट घाइते हो ।
असलमलाई उपमेयर मिश्र र वडाध्यक्ष साहले हातपात गरेपछि स्थानीय सिलाई कटाई कालिगढले गरेको नगर परिसरमा नाराबाजी गर्दै गरेको प्रदर्शनको क्रममा झडप समेत भएको छ । झडपमा उत्रिएका व्यापारीहरुले तत्काल वडाध्यक्ष साह र उपमेयर झालाई पक्राउ गरी छानबिनको माग गरेका छन् ।
उता उपमहानगरपालिका कार्यालयले सरसफाइको विषयलाई लिएर उपमेयर रीता मिश्रले सम्झाउन जाँदा उनीमाथि ग्रिन टेलरका मास्टरले अपशब्द बोलेपछि उपमेयरसँगै रहेका वडाध्यक्ष साहले धक्का दिएको मात्रै जनाएको छ । त्यसपछि घटनाले उग्ररुप लिएको थियो ।
सिलाइ कटाइ गर्ने मास्टरहरुले जनकपुरको उपमहानगर कार्यालय अगाडि टायर बालेर प्रदर्शन गरेका छन् । अहिले नगरपालिका कार्यालय परिसर तनावग्रस्त बनेपछि व्यापक संख्यामा प्रहरी परिचालन गरिएको छ ।