स्थानीयले बलात्कार आरोपीलाई कारवाहीको मांग गर्दै गरे चक्काजाम

जनकपुरधाम, वैशाख २० गते ।
धनुषाको क्षिरेश्वर नगरपालिका महेन्द्रनगरमा स्थानीयले बलात्कारीलाई कडा भन्दा कडा कारवाही गर मांग गर्दै प्रशासन विरुद्ध फेरी विरोध प्रदर्शन गर्दै घण्टा सडक जाम गरेका छ्न ।
प्रहरीले घटनाको ६ दिन बितिसक्दा पनि आरोपितलाई कारवाही नगरी बचाउने खेलमा लागेको आरोप लगाउँदै पिडीत बालिकाका आफन्त र स्थानीयले प्रहरी प्रशासन विरुद्ध ईलाका प्रहरी कार्यालय महेन्द्रनगर अगाडि नै टायर बालेर विरोध प्रदर्शन गर्दै जनकपुर ढल्केवर सडकखण्डमा चक्काजाम गरेका छन् ।
गएको आइतवार महेन्द्रनगर स्थित आदर्श नगरकी १४ वर्षीया बालिकालाई उनकै काका पर्ने एक स्थानीयले बलात्कार गरेको थियो । घटनाकै दिन प्रहरीले सबूत प्रमाण सहित बलात्कार आरोपमा ३४ बर्षीय रामकुमार साहलाई प्रहरीले पक्राउ गरेको थियो ।
प्रदर्शनकारीहरुले पीडित बालिकालाई स्वास्थ्य परीक्षणका लागि अस्पताल पुग्दा चिकित्सकले गलत प्रश्न गरेर झन पीडा दिएको र आरोपितलाई बचाउन केही फोटोहरु समेत प्रहरीले मोबाइलबाट मेटाएको आरोप आरोप लगाएका छ्न ।
उपचारार्थ अवस्थामा रहेकी बलात्कृत बालिकाको अवस्था झनझन विगरिदै गइरहेको तथा दोषीलाई बचाउँनको लागी प्रहरी नै लागीपरेको आरोप लगाउदै दोषीलाई उम्किन नदिन दबाव स्वरुप प्रहरी कार्यालय घेराउ गरी चक्काजाम गरिएको प्रदर्शनकारी स्थानीयले बताएका छन् ।
घण्टौ चक्काजाम पछि आरोपीमाथि मुद्दा दायर भइ कानूनी प्रक्रिया अघि सकेकोले उम्किन पाउँदैन कडा भन्दा कडा कारवाही गर्ने प्रहरीको आवश्वासनपछि बन्द खोलिएको छ ।
पिडीत बालिकाका आफन्त र स्थानीयले दुईदिन अघि पनि प्रहरीले आरोपितलाई बचाउन सबूत प्रमाणको रुपमा रहेको फोटो मेटाएको आरोप लगाउंदै विरोध प्रदर्शन गर्दै चक्काजाम गरेको थियो ।