जनकपुरधाम, वैशाख १८ गते ।
कांग्रेसका भातृ संगठन नेपाल ट्रेड युनियन प्रदेश नं २ ले १३० औँ अन्तराष्ट्रिय मजदूर दिवसको अवसरमा जनकपुरधाममा श्रमिक ¥याली प्रदर्शन गरेको छ ।
बुधवार मजदूर तथा नेपाली कांग्रेसका नेताहरु सम्मिलित गोपाल धर्मशालाबाट निस्केको श्रमिक ¥याली नगरको विभिन्न भागको परिक्रमा गर्दै पुनः गोपाल धर्मशालामा पुगी कोणसभामा परिणत भई सम्पन्न भएको थियो ।
सो कोणसभालाई सम्बोधन गर्दै नेपाली कांग्रेसका नेता एवं पूर्वउपप्रधान तथा शिक्षामन्त्री गोपालमान श्रेष्ठले मजदूरहरुकै आन्दोलनबाट देशमा विभिन्न परिवर्तन भएको भन्दै ओली नेतृत्वको वर्तमान कम्युनिष्ट सरकार मजदुरहरुको पक्षमा नरहेको आरोप लगाए ।
उनले वर्तमान सरकार आफैले संचालन गरेको गतिविधीका कारण असफल भन्दै नेपाली कांग्रेस शुरुदेखि नै मजदुरहरुको पक्षमा रहेको दाबी गरेका थिए । वर्तमान अवस्थामा केन्द्र, प्रदेश स्थानीय तहमा कम्युनिस्टको हालीमुली रहेपनि अब बढी दिन टिक्न नसक्ने बताए ।
साथै उनले कांग्रेसले मजदूरहरुका लागि धेरै कामहरु गरेपनि प्रचार प्रसार गर्न नसकेको कारण केही समस्या आएपनि अबको समय कांग्रेसका लागि हतारको समय नभई अवसरको समयको रहेकोले यसको अधिकतम उपयोग गर्न कार्यकर्ताहरुलाई निर्देशन दिए ।
नेपाल ट्रेड युनियन काङ्ग्रेस प्रदेश २ का उपाध्यक्ष रामदेव पंजियारको अध्यक्षतामा सम्पन्न सो कार्यक्रममा पार्टीका केन्द्रीय सदस्य महेन्द्र यादव, रामकृषण यादव, प्रदेश संसदीय दलका नेता रामसरोज यादव, प्रदेश सभासदस्य शिवचन्द्र चौधरी, प्रमिला दास लगायतका नेताहरुले आ आफ्ना मनतव्य व्यक्त गरेका थिए ।
मजदूर दिवसको अवसरमा कांग्रेसले निकाले श्रमिक ¥याली
नोट: लोकपुकार डटकममा प्रकाशित कुनैपनि सामाग्री बिना इजाजत लिई हुबहु वा आंशिक रुपमा कपी गरी प्रकाशन गरे विद्युतिय ऐन बमोजिम दण्डनीय अपराध मानिनेछ । यस किसिमको कार्य गरेको पाइएमा सम्बन्धित संचार माध्यम विरुद्ध हामी कानूनी उपचार खोज्न बाध्य हुनेछौ भनी सचेत गराउन चाहन्छौं ।
Related Posts
ताजा खबर
नेपाली, मैथिली र हिन्दी भाषाको यो देशकै पहिलो त्रैभाषिक डिजिटल पत्रिका हो । तपाईको सरोकार र चासोको विषयलाई समेटेर समाचारको रुपमा पस्किन लोकपुकार डटकम निरन्तर तयार रहनेछ ।….. विस्तृत
यो विषयमा आफ्नो प्रतिक्रिया दिनुहोस् !