सुधार गृहमै दुव्र्यसनीले गरे आत्महत्या

लोक सम्वाददाता
जनकपुरधाम, जनकपुरधाममा सुधार गृहमै एक दुव्र्यसनलीले आत्महत्या गरेका छन् ।
जनकपुरधाम ४ क्याम्पस चौक स्थित रिलिफ सुधार गृहमा दुर्व्यवसनीको लतबाट छुटकारा पाउन भर्ना गरिएका सर्लाही जिल्ला ईश्वरपुर नगरपालिका ५ फुलजोरका राजन घिमिरे भन्ने व्यक्तिले पंखामा झुण्डिएर आत्महत्या गरेका छन् ।
जिल्ला प्रहरी कार्यालय धनुषाले जनाए अनुसार दुव्र्यवसनी लत छोडाउन भर्ना गरिएका राजनकोश शव सो सुधार गृहमा पंखामा तन्नाले झुण्डिएको अवस्थामा फेला परेको छ ।
पिडित परिवार र आफन्तले सुधार गृहको लापरवाहीको कारण आत्महत्या गर्ने अवस्था उत्पन्न भएको आरोप लगाउंदै सुधार गृहका संचालक सुमित जालानको औषधि पसल जालान मेडिकल हलमा तोडफोड गरेका छ्न ।
संचालक सुमितलाई खोज्न गएका आक्रोशित पिडीत परिवारले संचालक नभेटिएपछि मेडिकल हलमा कार्यरत दुई कर्मचारीलाई नै कुटपिट गरेका छन् । अवस्था तनावग्रस्त बन्दै गएपछि व्यापक संख्यामा प्रहरी परिचालन गरी अवस्था साम्य पारिएको छ ।
जलान मेडिकल हलमा कार्यरत डा. शिरिष आर्याल, डा. नवीन साह, डा.सुरेन्द्र यादवक समेत सो सुधार गृहको संचालक समितिमा रहेका छ्न । यसैबीच घटना बारे थप अनुसन्धान भइरहेको जिल्ला प्रहरी कार्यालय धनुषाका प्रहरी नायब उपरिक्षक ज्ञानेन्द्र महतोले जनाएको छ ।