जनकपुरधाम, बैशाख ५ गते । संघीय समाजवादी फोरम नेपाल जनकपुरधाम नगर अध्यक्षमा विष्णुुदेव साह दोश्रो पटक सर्वसम्मतले चयन भएको छ ।
दुईदिनको अथक प्रयासपछि बुधवार सांझ साहको अध्यक्षतामा ४१ सदस्यीय नगर कार्यसमिति चयन भएको छ ।
अध्यक्ष पदका आकांक्षी बढि भएको कारण अध्यक्ष पदमै विवाद लम्बिएको थियो । फोरम नेपालको जनकपुर नगर अधिवेशनको उदघाटन सत्र मंगलबार नै सम्पन्न भएको थियो । उदघाटन सत्रपछि तोकिएको बन्दसत्र अध्यक्ष पदका उम्मेदवार बढी भएको कारण आन्तरिक सहमतिका जुटाउन बुधबारसम्मको लागि स्थगित गरिएको थियो ।
धनुुषाका नेताहरुले बुधबार दिनभरि गरेको सर्वसम्मतको प्रयास साँझ सफल भएको थियो । उनी नगर अध्यक्षमा सर्वसम्मत भएपछि कार्य समितिको अन्य पदमा पनि सर्वसम्मति हुने भएको छ ।
यो विषयमा आफ्नो प्रतिक्रिया दिनुहोस् !