भूकम्प दिवसको अवसरमा पभातफेरी र दृश्य मंचन

जनकपुरधाम, माघ २ गते ।
प्रदेश नं. २ का राजधानी जनकपुरधाममा विविध कार्यक्रम गरी २१ औं भूकम्पस दिवस मनाइएको छ ।
प्रदेशका आन्तरिक मामिला तथा कानून मन्त्रालय, जनकपुरधाम उपमहानगरपालिका र नेपाल रेडक्रस सोसाइटी धनुषा शाखाले प्रभात फेरी र कार्यशाला दृश्य सहितको जनचेतनामूक कार्यक्रम संचालन गरेको थियो ।
आन्तरिक मामिला तथा कानून मन्त्रालय, उपमहानगरपालिका र नेपाल रेडक्रस सोसाइटी धनुषाले जानकी मन्दिरबाट संयुक्त रुपमा प्रभात फेरी गरेका छन् । सो प्रभात फेरी नगरको विभिन्न भागको परिक्रमा गर्दै उपमहानगरपालिकाको कार्यालयमा पुगेको थियो ।
प्रभात फेरी पश्चात जनकपुरधाम उपमहानगरपालिका कम्पन मंचन, भूकम्पबाट हुने क्षति त्यसबाट जोगिन सकिने उपाय लगायतका दृश्य सहित जनचेतनामूलक कार्यक्रम आयोजना गरिएको थियो ।
सो कार्यक्रममा सहभागीहरुले भूकम्प प्रतिरोधात्मक घर निर्माण गरिने प्रतिबद्धता व्यक्त गरेको थियो ।