प्रदेश नं. ४ को राजधानी पोखरामा राख्नेमा सबै सांसद एकमत भएका छन् । प्रदेश राजधानी र नामकरणका लागि आइतबार संसदमा छलफल भएको थियो । यस अवसरमा सबै सांसदले प्रदेश राजधानी पोखरा हुनु पर्नेमा एकमत भएका थिए ।
राजधानीको बारेमा सोमबारको बैठकमा छलफल गरी राजधानीको विषयमा निर्णय हुने भएको छ । राजधानीको बैठक सकेपछि नामकरणको बारेमा छलफल गरी बुधबारसम्ममा निर्णय हुने बताइएको छ ।
राजधानीको बारेमा १७ जना सांसदहरुले आफनो भनाई राखेका थिए । उनीहरुले पोखरा भौगोलिक, भौतिक, व्यापारिक, शिक्षा, स्वास्थ्य, पर्यटन लगायतका सुविधाले उपयुक्त रहेकाले प्रदेशका बाँकी जिल्लाले स्वीकार्य रहेको बताएका थिए ।
छलफलमा भाग लिदै सांसद मायानाथ अधिकारिले यसअघि विकास क्षेत्रको राजधानी समेत रहेको पोखरा भौतिक पुर्वाधार र प्रशासनिक हिसाबले राजधानीका लागि उपयुक्त भएको बताए । अर्का सांसद कुमार खड्काले पोखरा स्वीकार्य भए पनि छोटो समयमा जनसंख्या दुई गुना बढ्ने सक्ने सम्भावना भएकाले भोलि हुने समस्यालाई जोड दिएका थिए ।
यसैगरी राजिव पहारीले पोखरा राजधानीका लागि अखवरी सुन जस्तो रहेको पोखरो सडकमा चौपायाको लस्कर नियन्त्रण, स्वच्छ खानेपानीको व्यवस्था आवश्यक रहेको बताए । राजधानी बनेसँगै अबको ५ वर्षपछि पोखरा आउनेले खल्तीमा माक्स बोकेर आउने वातावरण बन्न नदिन सबै सचेत हुन आवश्यक रहन जोड दिएका थिए ।
गठित समितिलाई पर्व माओवादीको तर्फवाट कुनै निर्णय नदिएपनि २१ जेठमा बसेको संसद बैठकमा समिलिते आफनो प्रतिवेदन संसदमा पेश गरेको थियो भने १० असारमा वसेको बैठकमा समितिका सभापति विन्दुकुमार थापाले समितिको प्रतिवेदन टेवुल गरेका थिए ।
यो विषयमा आफ्नो प्रतिक्रिया दिनुहोस् !